قىتاي بيلىگى 1 ناۋرىزدان باستاپ ينتەرنەتتە اسكەري اقپاراتتىڭ تارالۋىنا باقىلاۋدى كۇشەيتەدى. بۇل تۋرالى قحر قورعانىس مينيسترلىگى حابارلادى.

جاڭا شارالار اسكەري تاقىرىپقا ارنالعان ينتەرنەت-سايتتاردى، ۆەب-سايتتارداعى اسكەري باعانداردى، سونداي-اق الەۋمەتتىك جەلىلەردەگى اسكەري اقپاراتى بار اككاۋنتتاردى قۇرۋدى قوسا العاندا، جەلىدە اسكەري اقپاراتتىڭ تارالۋىن باقىلاۋدى كوزدەيدى.

جاڭا رەگلامەنتتە اسكەري اقپاراتتى تاراتۋ قىتاي حالىق-ازاتتىق ارمياسىنىڭ (قحاا) جاقسى ءيميدجىن قولداۋعا، دۇرىس ساياسي باعىتتى ۇستانۋعا، سونداي-اق قۇندىلىققا باعدارلانۋعا ىقپال ەتۋى ءتيىس ەكەندىگى اتاپ وتىلگەن.

سونداي-اق مۇنداي اقپارات «ارميا، ۇكىمەت جانە حالىق اراسىندا الاۋىزدىق تۋدىرماۋعا نەمەسە بىرلىككە نۇقسان كەلتىرمەۋگە» ءتيىس دەلىنگەن.

وتكەن جىلى كۇزدە قىتاي استاناسى پەكيندە اسكەريلەردىڭ ساياسي بۇلىك شىعارعانى، شيدەن اسكەري قۇقىقتى تارتىپ العانى تۋرالى قاۋەسەتتەر جەلدەي ەسكەن ەدى. ونىڭ ءبارى اسكەري سالاعا جاۋاپتى بىرنەشە ءىرى لاۋازىم يەلەرىنىڭ «جەمقورلىق» بابىمەن تۇتقىندالعان كەيىن جەلدەي ەسكەن.

اقش بارلاۋ ورگاندارى بىلتىرعى جىلعى قورتىسىندا: «قىتايدىڭ امەريكامەن باسكەگە قۋاتتى ارميا جاساقتاۋىنا اسكەري سالاداعى جەمقورلىق باستى كەدەرگى»، - دەپ جازعان.

بۇعان دەيىن قحر توراعاسى سي تسزينپين قىتايدا «قىتايلىق ەرەكشەلىگى بار قازىرگى زامانعى اسكەري تەوريا جۇيەسىن» قۇرۋ قاجەتتىگىن، سونداي-اق «اسكەرلەردىڭ جاۋىنگەرلىك دايارلىعىن جان-جاقتى كۇشەيتۋ جانە قۇاا تيىمدىلىگىن ارتتىرۋ» كەرەكتىگى تۋرالى مالىمدەگەن بولاتىن.

Abai.kz