پرەمەر-مينيستر ولجاس بەكتەنوۆتىڭ توراعالىعىمەن وتكەن ەكونوميكالىق ساياسات جونىندەگى كەڭەس وتىرىسىندا مەملەكەت باسشىسىنىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى حالىققا جولداۋىندا بەرىلگەن تاپسىرمالارىن جۇزەگە اسىرۋ شارالارى قارالدى.

ماكروەكونوميكالىق ساياساتتىڭ تەپە-تەڭدىگىن جاقسارتۋ ءۇشىن اقشا-نەسيە جانە فيسكالدىق ساياسات اراسىنداعى تەڭگەرىمدى قامتاماسىز ەتۋ تاسىلدەرى تالقىلاندى.

نارىق تەتىكتەرى نەگىزىندە مەملەكەتتىك قارجى تۇراقتىلىعىن جانە ەكونوميكانىڭ ءوسۋ ساپاسىن ارتتىرۋعا باسا نازار اۋدارىلۋدا. بيۋدجەتتىك ەرەجەلەر مەن نىسانالى باعدارلار جۇيەسىنىڭ ساقتالۋىن ينستيتۋتسيونالدى تۇردە نىعايتۋ، ەكونوميكانى قارجىلاندىرۋداعى جەكە سەكتوردىڭ ءرولىن ارتتىرۋ، قارجى سەكتورىنداعى جۇيەلىك تاۋەكەلدەردى تومەندەتۋ بويىنشا ۇسىنىستار تىڭدالدى.

جيىنعا ۇلتتىق بانك توراعاسى تيمۋر سۇلەيمەنوۆ، پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين، پرەزيدەنتتىڭ ەكونوميكالىق ماسەلەلەر جونىندەگى كومەكشىسى قانات شارلاپاەۆ، قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا، ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى اسەت ەرعاليەۆ، سونداي-اق جاۋاپتى مينيسترلىكتەر باسشىلىعى قاتىستى.

Abai.kz