ولجاس بەكتەنوۆ سۋ تاسقىنىنا قارسى شارالاردى ۇيلەستىرۋ جونىندەگى رەسپۋبليكالىق شتاب وتىرىسىن وتكىزدى.

پرەمەر-مينيستر ولجاس بەكتەنوۆتىڭ توراعالىعىمەن سۋ تاسقىنىنا قارسى شارالاردى ۇيلەستىرۋ جانە قارعىن سۋ ءجۇرۋ كەزەڭىنىڭ سالدارىن جويۋ جونىندەگى رەسپۋبليكالىق شتابتىڭ وتىرىسى ءوتتى.

ەكولوگيا جانە تابيعي رەسۋرستار ءمينيسترى ەرلان نىسانباەۆ وڭىرلەردەگى گيدرومەتەورولوگيالىق جاعداي تۋرالى باياندادى. «Tasqyn» جۇيەسىندەگى سۋ تاسقىنى جاعدايىن مودەلدەۋ ناتيجەلەرى تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ، سۋ نىساندارىنىڭ جاعدايى تۋرالى – سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ، ىقتيمال سۋ تاسقىنىنا قارسى جەدەل ارەكەت ەتۋگە كۇشتەر مەن قۇرالداردىڭ دايىندىعى تۋرالى – توتەنشە جاعدايلار ءمينيسترى شىڭعىس ءارىنوۆ بايانداما جاسادى. اقمولا، قوستاناي، اقتوبە، باتىس قازاقستان، اتىراۋ وبلىستارىنىڭ اكىمدەرى وڭىرلەردە ەلدى مەكەندەردى سۋ باسۋدىڭ الدىن الۋ بويىنشا اتقارىلىپ جاتقان شارالار تۋرالى باياندادى.

سۋرەت: primeminister.kz سايتىنان الىندى.

13 ناۋرىزداعى جاعداي بويىنشا ەلىمىزدىڭ قار باسىپ جاتقان اۋماعى 67%-دى قۇرايدى. ەكولوگيا جانە تابيعي رەسۋرستار ءمينيسترى ەرلان نىسانباەۆ قىزىلوردا، تۇركىستان، جامبىل، باتىس قازاقستان، اتىراۋ جانە ماڭعىستاۋ وبلىستارىندا قازىردىڭ وزىندە قار ەري باستاعانىن ايتتى. بۇل رەتتە ەلىمىزدىڭ سولتۇستىك-باتىسىندا، سولتۇستىك-شىعىسىندا جانە ورتالىعىندا توڭنىڭ قالىڭ بولۋى بايقالىپ وتىر. قوستاناي وبلىسىندا 150 سم-گە دەيىن جانە ودان دا كوپ، اقمولا وبلىسىندا – 139 سم-گە دەيىن، پاۆلودار وبلىسىندا – 159 سم-گە دەيىن، قاراعاندى وبلىسىندا –132 سم-گە دەيىن توڭ بار. بولجامدارعا سايكەس، ناۋرىز جانە ءساۋىر ايلارى جىلى بولادى دەپ كۇتىلۋدە، ەلىمىزدىڭ باسىم بولىگىندە جاۋىن-شاشىن مول بولادى، بۇل سۋ تاسقىنى قاۋپىن ارتتىرادى.

سۋرەت: primeminister.kz سايتىنان الىندى.

«قازگيدرومەت» بيىل العاش رەت ءاربىر ءوڭىر بويىنشا سۋ شىعىنىنىڭ ەڭ جوعارى دەڭگەيىن، گيدرولوگيالىق بەكەتتەر بويىنشا اعىن كولەمىن كورسەتەتىن جانە قاۋىپتى ايماقتاعى ەلدى مەكەندەردى انىقتاي وتىرىپ، ەگجەي-تەگجەيلى اقپارات بەردى. كوكتەمگى سۋ تاسقىنىن تۋدىراتىن فاكتورلارعا جۇرگىزىلگەن تالداۋ سۋ باسۋ قاۋپى بار ايماقتاردى انىقتاۋعا مۇمكىندىك بەردى. تاسقىن قاۋپى جوعارى ايماققا شىعىس قازاقستان، قاراعاندى، اقمولا، سولتۇستىك قازاقستان، قوستاناي، اقتوبە، اباي، ۇلىتاۋ وبلىستارى; قاۋىپ دەڭگەيى ورتاشا ايماققا – الماتى، جەتىسۋ، جامبىل، باتىس قازاقستان جانە اتىراۋ وبلىستارى جاتادى.

سۋرەت: primeminister.kz سايتىنان الىندى.

سۋ باسۋ قاۋپىن ازايتۋ ماقساتىندا ۋاكىلەتتى ورگاندارعا اقمولا، باتىس قازاقستان، ۇلىتاۋ، قاراعاندى جانە سولتۇستىك قازاقستان وبلىستارىنىڭ سۋ تاسقىنى قاۋپى بار ەلدى مەكەندەرىن ارالاپ، شۇعىل شارالار قابىلداۋ جونىندە تاپسىرمالار بەردى.

Abai.kz