قازاقستان مەن ازەربايجاننىڭ بىرلەسكەن «كاسپي سامالى – 2025» اسكەري-تەڭىز وقۋ-جاتتىعۋىنا دايىندىق اياسىندا قازاقستاننىڭ تەڭىزدى قالاسىندا ازەربايجان قورعانىس ۆەدومستۆوسىنىڭ وكىلدەرىمەن شتابتىق كەلىسسوزدەر ءوتتى.

كەلىسسوزدەردە باس شتاب باستىعى – قر قك اسكەري-تەڭىز كۇشتەرى باس قولباسشىسىنىڭ ءبىرىنشى ورىنباسارى 1-دارەجەلى كاپيتان قانات نيازبەكوۆ پەن ازەربايجان اسكەري-تەڭىز كۇشتەرىنىڭ شتاب باستىعى 1-دارەجەلى كاپيتان تەيمۋر مۋرشۋدوۆ الداعى وقۋ-جاتتىعۋلاردى جان-جاقتى تالقىلاپ، كەلىستى.

سۋرەت: gov.kz سايتىنان الىندى.

وقۋ-جاتتىعۋ كاسپي تەڭىزىنىڭ قازاقستاندىق سەكتورىندا وتەدى.  كورابلدەر كەلگەن كەزدە وقۋ-جاتتىعۋ جوسپارى مەن كارتالارداعى ەپيزودتار ەگجەي-تەگجەيلى ناقتىلانادى.

«جاۋىنگەرلىك ءىس-قيمىل جۇرگىزۋ» كەزەڭىنىڭ مىندەتتەرى كەشەندى تۇردە پىسىقتاۋدى كوزدەيدى. وقۋ-جاتتىعۋ وتكىزىلەتىن اۋدانعا كورابلدەردى ورنالاستىرۋ، تەڭىز وتكەلىندە كورابلدەردىڭ بىرلەسە ءجۇزۋ ەلەمەنتتەرىن ورىنداۋ قاراستىرىلعان. اسكەري تەڭىزشىلەر قارسى كەلگەن قاتەرلەردى تويتارۋ، اپاتقا ۇشىراعان ۇشۋ اپپاراتتارىنا، كورابلدەرگە جانە كەمەلەرگە كومەك كورسەتۋ ماسەلەلەرىن پىسىقتايدى. ودان بولەك تەڭىز جانە اۋە نىساندارى بويىنشا جاۋىنگەرلىك اتىستار جۇرگىزىلەدى.

سۋرەت: gov.kz سايتىنان الىندى.

– وقۋ-جاتتىعۋلار ەكى ەلدىڭ اسكەري-تەڭىز كۇشتەرى اراسىنداعى بىرلەسكەن ءىس-قيمىلدىڭ تيىمدىلىگىن ارتتىرۋعا جانە ءوزارا قارىم-قاتىناستى نىعايتۋعا باعىتتالعان مىندەتتەردىڭ كەڭ سپەكترىن قامتيدى، – دەپ اتاپ ءوتتى باس شتاب باستىعى – قر قارۋلى كۇشتەرى اسكەري-تەڭىز كۇشتەرى باس قولباسشىسىنىڭ ءبىرىنشى ورىنباسارى 1-دارەجەلى كاپيتان قانات نيازبەكوۆ.

وقۋ-جاتتىعۋعا جاعالاۋ بولىمشەلەرىنىڭ جەكە قۇرامى جانە اسكەري-تەڭىز بازاسىنىڭ كورابلدەرى (كەمەلەرى) تارتىلاتىن بولادى. ازەربايجاننان جاتتىعۋلارعا ەكى كۇزەت كورابلى، كومەكشى كەمە جانە جاعالاۋ بولىمشەلەرى كەلەدى.

Abai.kz