الماتى قالاسىنىڭ ناۋرىزباي اۋداندىق سوتىندا الەۋمەتتىك جەلىلەردى پايدالانۋ ارقىلى ۇلتتىق ارازدىقتى قوزدىردى دەپ ايىپتالعان ازامات ت.ە.-گە قاتىستى قىلمىستىق ءىس قارالدى (قك 174-بابى 1-بولىگى).

سوت انىقتاعانداي:

• ت.ە. Instagram پاراقشاسىنىڭ 34 مىڭنان استام وقىرمانى بار پاراقشاسىنىڭ اكىمشىسى بولا وتىرىپ، باسقا ۇلت وكىلدەرىنىڭ ۇلتتىق ابىرويى مەن قادىر-قاسيەتىن كوپشىلىك الدىندا قورلاۋعا باعىتتالعان، دورەكى، بالاعات سوزدەرمەن جازىلعان ءماتىنى بار مۋزىكالىق كومپوزيتسيامەن بىرگە پوست جاريالاعان. مۇنداي ارەكەتتەر قازاقستان رەسپۋبليكاسىنىڭ نەگىزگى قاعيداتتارىنىڭ ءبىرى بولىپ تابىلاتىن ۇلتارالىق كەلىسىم مەن حالىق بىرلىگىن بۇزۋعا باعىتتالعان.
• سوتتالۋشىنىڭ كىناسى ءىس ماتەريالدارىمەن، سونىڭ ىشىندە سوت-پسيحولوگيالىق جانە فيلولوگيالىق ساراپتاما قورىتىندىسىمەن، جاۋاپ الۋ حاتتامالارىمەن جانە زاتتاي دالەلدەمەلەرمەن دالەلدەندى.
• ءىس قاراۋ بارىسىندا ازامات ت.ە. ءوز كىناسىن مويىنداعان جوق.
  سوت وتىرىسىنىڭ قورىتىندىسى بويىنشا، قىلمىستىق ءىس ماتەريالدارىن زەرتتەپ، تاراپتاردىڭ سوت جارىسسوزدەرىندە ايتقان ۇستانىمدارىن ەسكەرە وتىرىپ، سوت سوتتالۋشىنى اتالعان ارەكەتتى جاساعانى ءۇشىن كىنالى دەپ تانىدى.

سوت شەشىمى

قىلمىستىق كودەكستىڭ 174-بابىنىڭ 1-بولىگى بويىنشا جازا 2 مىڭنان 7 مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋدى نە 2 جىلدان 7 جىلعا دەيىنگى مەرزىمگە باس بوستاندىعىن شەكتەۋدى نە سول مەرزىمگە باس بوستاندىعىنان ايىرۋدى كوزدەيدى.

سوت شەشىم شىعارعان كەزدە، سوتتالۋشىنىڭ بۇرىن سوتتالماعانى ەسكەرىلدى، الايدا ول ءوز قۇقىققا قايشى ارەكەتى ءۇشىن وكىنىش بىلدىرمەگەن.
وسىلايشا، سوت سوتتالۋشىنى بەلگىلى ءبىر قىزمەتپەن اينالىسۋ قۇقىعىنان ايىرۋ تۇرىندەگى قوسىمشا جازامەن باس بوستاندىعىنان ايىرۋمەن بايلانىستى ەمەس 5 جىل باس بوستاندىعىن شەكتەۋ جازاسىن تاعايىندادى.

سوت ۇكىمى زاڭدى كۇشىنە ەنگەن جوق.

Abai.kz