اۋەسقوي بوكس: يوردانيا استاناسى اممان قالاسىندا وتكەن 15 جانە 17 جاسقا دەيىنگى جاسوسپىرىمدەر اراسىنداعى ازيا چەمپيوناتىندا قازاقستان قۇراماسىنىڭ بوكسشىلارى 16 التىن، 15 كۇمىس جانە 13 قولا مەدال جەڭىپ الدى.

ءجۇزۋ: گرەكيانىڭ افينا قالاسىندا ۇيىمداستىرىلعان Acropolis Swim Open 2025 حالىقارالىق جارىسىندا قازاقستان قۇراماسى جالپىكوماندالىق ەسەپتە 3 التىن، 3 كۇمىس جانە 2 قولا مەدالمەن 2-ورىننان كورىندى.

دزيۋدو: ءابيبا ابۋجاقىنوۆا تاجىكستاننىڭ دۋشانبە قالاسىندا وتكەن دزيۋدودان Grand Slam تۋرنيرىندە قولا جۇلدەگەر اتاندى.

تاەكۆوندو: قىتايدىڭ ۋسي قالاسىندا مارەسىنە جەتكەن تاەكۆوندودان كلۋبتار اراسىنداعى 13-ءشى ازيا چەمپيوناتىندا قازاقستان كومانداسى 2 التىن، 1 كۇمىس جانە 4 قولا جۇلدە جەڭىپ الدى.

ات سپورتى: وزبەكستان استاناسىندا كونكۋردان وتكەن Maxima Masters ەۋرازيا ءتۋرنيرىنىڭ كوماندالىق سەرياسى مەن الەم كۋبوگى كەزەڭدەرىندە وتاندىق سپورتشىلار 6 كۇمىس جانە 5 قولا مەدال ەنشىلەدى.

اۋىر اتلەتيكا: پەرۋ استاناسى ليمادا ءوتىپ جاتقان جاسوسپىرىمدەر اراسىنداعى اۋىر اتلەتيكادان الەم چەمپيوناتىندا قازاقستان قۇراماسىنىڭ سپورتشىلارى ازىرگە 2 التىن مەدال جەڭىپ الدى.

تەننيس: جىبەك قۇلامباەۆا جۇپتىق سىندا يسپانيانىڭ مادريد قالاسىندا وتكەن ITF W100 تۋرنيرىندە ۇزدىك شىقتى. فينالدا قۇلامباەۆا مەن ۋەرگو يسپانيالىق مارينا باسسولس پەن اندرەا لاسارو گارسيانى جەڭدى. بۇل — قۇلامباەۆا مەن ۋەرگونىڭ بىرگە جەڭىپ العان بەسىنشى تيتۋلى.

Abai.kz