توقاەۆ اقوردادا ۆەتنام باسشىسىن قارسى الدى
اقوردادا ۆەتنام كوممۋنيستىك پارتياسى وك باس حاتشىسى تو لامدى سالتاناتتى قارسى الۋ شاراسى ءوتتى.
مەملەكەت باسشىسى قاسىم-جومارت توقاەۆ مەملەكەتتىك ساپارمەن كەلگەن ۆەتنام كوممۋنيستىك پارتياسى وك باس حاتشىسى تو لامدى اقوردادا قارسى الدى.
سالتاناتتى راسىمدەر زالىندا قۇرمەت قاراۋىلى ساپ تۇزەپ، ونىڭ باستىعى مەملەكەت باسشىلارىنا سالەمدىك بايانات بەردى.
كەيىن پرەزيدەنتتىك وركەستر ەكى ەلدىڭ مەملەكەتتىك گيمنىن ورىندادى.
ءانۇراندى تىڭداپ بولعاننان كەيىن قاسىم-جومارت توقاەۆ پەن ۆەتنام كوممۋنيستىك پارتياسى وك باس حاتشىسى تو لام كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى.
ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى.
ۆەتنام باسشىسى پرەزيدەنتى قۇرمەتتى قاراۋىل باستىعىمەن قوشتاسىپ، قازاقستان پرەزيدەنتىمەن شاعىن قۇرامداعى كەزدەسۋگە ءوتتى.
ودان كەيىن پرەزيدەنتتەر وتىرىس زالىنا قاراي باعىتتادى.
ساپار اياسىندا جوعارى دەڭگەيدە ەكىجاقتى كەلىسسوزدەر جۇرگىزىلەدى جانە بىرقاتار ماڭىزدى قۇجاتقا قول قويىلماق.
Abai.kz
