CEOWORLD جۋرنالى Human Progress Index رەيتينگىندە ومىر ءسۇرۋ ساپاسى بويىنشا ورتا ازيا ەلدەرىنىڭ ىشىندە قازاقستان ءبىرىنشى ورىنعا تۇراقتادى، دەپ جازدى.

جاڭارتىلعان رەيتينگىدە ءومىر ءسۇرۋ ساپاسى مەن ۇزاقتىعى، ءبىلىم بەرۋ دەڭگەيى، ساياسي تۇراقتىلىق، جان باسىنا شاققانداعى تابىس جانە مۇمكىندىكتەرگە قولجەتىمدىلىك سياقتى كورسەتكىشتەر تالدانعان. بۇل كورسەتكىشتەر نەعۇرلىم جوعارى بولسا، ەلدىڭ رەيتينگتەگى ورنى سوعۇرلىم جوعارى بولادى.

2024 جىلعا ارنالعان ەسەپتىڭ ناتيجەسى بويىنشا ءومىر ءسۇرۋ ساپاسى جاعىنان الەمدەگى ەڭ ۇزدىك ەل – شۆەيتساريا. كەلەسى ورىنداردى نورۆەگيا مەن يسلانديا يەلەندى. ءتورتىنشى ورىندا گونكونگ. التىنشى جانە جەتىنشى ورىنداردا – دانيا مەن گەرمانيا. ونىندىققا يرلانديا، سينگاپۋر جانە اۋستراليا كىردى.

تۇركيا رەيتينگتە 48-ورىننان كورىنسە، رەسەي – 59, بەلارۋس – 72, ارمەنيا – 78-ورىندا.

قازاقستان ورتالىق ازيا ەلدەرىنىڭ ىشىندە ءومىر ءسۇرۋ ساپاسى بويىنشا كوشباسشى دەپ تانىلىپ، جاھاندىق رەيتينگتە 70-ورىن يەلەندى. ال تۇرىكمەنستان – 96, وزبەكستان – 108, قىرعىزستان – 119, تاجىكستان – 128-ورىندا ورنالاسقان.

CEOWORLD ساراپشىلارى رەيتينگتى جاساۋ بارىسىندا 196 ەلدى تۇراقتىلىق، قاناعاتتانۋ دەڭگەيى جانە تەپە-تەڭدىك اتتى ءۇش نەگىزگى سانات بويىنشا سالىستىرعان. ءاربىر ساناتقا جاتاتىن 23 كورسەتكىش بويىنشا 100 بالدىق جۇيەمەن باعالاۋ جۇرگىزىلگەن.

Abai.kz