ولجاس بەكتەنوۆ تۋريستەردىڭ ەلىمىزدەگى جايلى ءارى قاۋىپسىز دەمالىسىن قامتاماسىز ەتۋ شارالارىن ازىرلەۋدى تاپسىردى.

ۇكىمەت وتىرىسىندا قر پرەمەر-ءمينيسترى ولجاس بەكتەنوۆ ەلىمىزدە تۋريستەردىڭ جايلى ءارى قاۋىپسىز بولۋىن قامتاماسىز ەتۋ بويىنشا بىرقاتار تاپسىرما بەردى.

«قازاقستان قاشاندا ءوزىنىڭ قوناقجاي قاسيەتىمەن تانىمال، سوندىقتان ءبىز وسى ارتىقشىلىعىمىزدى ساقتاپ قالۋ ءۇشىن قولدان كەلگەننىڭ ءبارىن جاساۋىمىز كەرەك»، — دەپ اتاپ ءوتتى ولجاس بەكتەنوۆ.

اتاپ ايتقاندا، تۋريزم جانە سپورت مينيسترلىگى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ، ۇلتتىق تۋريستىك پورتالدىڭ، eQonaq كوشى-قون سەرۆيسىنىڭ، تاكسي قىزمەتتەرىنىڭ جانە تۋريستەرگە ارنالعان باسقا دا پايدالى رەسۋرستاردىڭ فۋنكتسيونالىن كەڭەيتۋ جۇمىسىن جۇرگىزۋدى تاپسىردى.

ىشكى ىستەر، توتەنشە جاعدايلار، دەنساۋلىق ساقتاۋ مينيسترلىكتەرىنە تۋريستەردىڭ قاۋىپسىزدىك شارالارىن كۇشەيتىپ، شەتەل ازاماتتارى ءۇشىن كوپتىلدى جەدەل جەلىنى ەنگىزۋ ماسەلەسىن پىسىقتاۋى قاجەت. بارلىق تۋريستىك لوكاتسيالار كوپتىلدى اقپاراتپەن قامتىلۋ ماسەلەسىن پىسىقتاۋ تاپسىرىلدى.

تۋريزم مينيسترلىگىنە مۇددەلى مەملەكەتتىك ورگاندارمەن جانە اكىمدىكتەرمەن بىرلەسىپ، ءبىر اي مەرزىمدە شەتەلدىك تۋريستەردىڭ قازاقستاندا جايلى ءارى قاۋىپسىز بولۋىن قامتاماسىز ەتۋ بويىنشا شارالار كەشەنىن ازىرلەۋ تاپسىرىلدى.

Abai.kz