قازاقستان جي سالاسىن دامىتۋعا باعىتتالعان اۋقىمدى باستامالاردى قولعا الدى. ەندىگى ماقسات الداعى بەس جىلدا 1 ميلليون ازاماتتى جي قۇرالدارىن مەڭگەرۋگە وقىتۋ. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ BAQ.KZ-ءتىڭ Youtube كانالىنا بەرگەن سۇحباتىندا حابارلادى.

جوبا تۇرعىلىقتى جەرى نەمەسە بىلىمىنە قاراماستان، ءاربىر قازاقستاندىقتىڭ جي سالاسىنداعى مۇمكىندىگىن ارتتىرۋدى كوزدەيدى. وقىتۋ بارىسىندا 500 مىڭ مەكتەپ وقۋشىسى، 300 مىڭ ستۋدەنت، 90 مىڭ مەملەكەتتىك قىزمەتكەر، 80 مىڭ بيزنەس وكىلى جانە وزگە دە سالا ماماندارى قامتىلادى.

باستاما شەڭبەرىندە بىرنەشە ءبىلىم بەرۋ جوبالارى ىسكە قوسىلعان.

Tomorrow School– جاستار مەن ستۋدەنتتەرگە ارنالعان العاشقى peer-to-peer فورماتىنداعى جاساندى ينتەللەكت مەكتەبى. مۇندا كوماندالىق جۇمىس، سىني ويلاۋ، تاجىريبەلىك جوبالار باستى نازاردا. ستۋدەنتتەر Python, JavaScript, Golang, Rust سىندى تىلدەردى مەڭگەرەدى.

TUMO ورتالىعى– 2025 جىلدىڭ كۇزىنە جوسپارلانعان تەگىن يننوۆاتسيالىق ءبىلىم كەڭىستىگى. باعدارلامالاۋ، انيماتسيا، 3D-گرافيكا، گەنەراتيۆتى جي باعىتىندا وقىتادى. ورتالىق alem.ai حالىقارالىق جاساندى ينتەللەكت ورتالىعىنىڭ نەگىزىندە اشىلادى.

AI Qyzmet– مەملەكەتتىك قىزمەتكەرلەر مەن باسقارۋشىلارعا ارنالعان. جي تەحنولوگيالارىن ءتيىمدى ءارى ەتيكالىق تۇرعىدان قولدانۋدى ۇيرەتەدى.

QazCoders– بىرىككەن اراب امىرلىگىمەن بىرلەسكەن جوبا. باعدارلاما Android Kotlin, دەرەكتەردى تالداۋ، جاساندى ينتەللەكت، باعدارلامالاۋدىڭ نەگىزدەرى بويىنشا وقىتۋدى قامتيدى. جاس ەرەكشەلىگىنە شەكتەۋ جوق.

AI’preneurs– جي قۇرالدارىن كاسىپكەرلىككە پايدالانۋ ارقىلى جاڭا ستارتاپتار مەن ونىمدەر جاساۋعا باعىتتالعان.

Decentrathon– قازاقستاننىڭ بارلىق ءوڭىرىن قامتىعان ەڭ ءىرى حاكاتون.

بىلتىر Decentrathon-عا ەلدىڭ بارلىق وڭىرىنەن 2500-دەن استام ادام قاتىستى. حاكاتون اياسىندا ونداعان تەحنولوگيالىق شەشىم جاسالدى. بۇل ءبىر نارسەنى دالەلدەدى: قازاقستاندا تالانت بار، جىگەر بار، جانە تسيفرلىق بولاشاقتى ءوز قولىمەن قۇرۋعا دەگەن ۇمتىلىس بار، - دەدى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ.

جوبا اياسىندا حالىقارالىق ارىپتەستىك پەن ونلاين-وقىتۋ جۇيەسى دە جۇرگىزىلەدى. ياعني شەتەلدىك سەرىكتەستەرمەن دە بەلسەندى جۇمىس جۇرگىزىلەدى.

بيىل تامىز ايىندا قىتايدىڭ 01. AI كومپانياسىنا 20 قازاقستاندىق ماماندى وقۋعا جىبەرەمىز دەپ وتىرمىز. بۇل باعدارلاما جاساندى ينتەللەكت سالاسىنداعى الەمدىك ساراپشىلاردىڭ ءبىرى — كاي-فۋ ءليدىڭ قولداۋىمەن ىسكە اسىرىلادى، - دەدى مينيستر.

ياندەكس پراكتيكۋم– قازاق جانە ورىس تىلىندە "دەرەكتەردى تالداۋ جانە Python" بويىنشا تەگىن ونلاين-كۋرس.

Lerna پلاتفورماسى– "جي نەگىزدەرى: ChatGPT" اتتى ونلاين-كۋرس. نەيروجەلىلەردى قولدانۋ داعدىسىن ۇيرەتەدى.

AI People– Telegram-كۋرستار، بەينەساباقتار، تسيفرلىق سەرتيفيكات فورماتىندا ءبىلىم ۇسىناتىن جوبا. ونى Blockchain & AI Center بىرلەسىپ ىسكە اسىرادى.

ەسكە سالايىق، بۇعان دەيىن پرەزيدەنت جي-ءدى دامىتۋعا ەرەكشە ءمان بەرەمىز دەدى. سونداي-اق، بولاشاقتا ازايۋى مۇمكىن ماماندىقتار ءتىزىمى انىقتالدى. قازاقستاننىڭ ءوز ChatGPT-ءى بولاتىنى ايتىلدى. مينيستر 1 ملن قازاقستاندىققا جي قولدانۋدى ۇيرەتەتىندەرىن العا تارتتى.

وسى رەتتە "Qazcontent" اق باسقارما توراعاسى اينا زادابەك ەلىمىزدە قازىرگى ۋاقىتتا وتە بەلسەندى دامىپ كەلە جاتقان جاساندى ينتەللەكتىگە قاتىستى بىرقاتار ساۋالعا جاۋاپ الۋ ماقساتىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆپەن سۇقباتتاسقان ەدى.

Abai.kz