«بايتەرەك» عارىش زىمىران كەشەنى (عزك) ارقىلى جىل سايىن قانشا زىمىران ۇشىرىلاتىنى بەلگىلى بولدى. 

2028 جىلدان باستاپ رەسەي «بايتەرەك» عارىش زىمىرانى كەشەنىنەن جىل سايىن كەمى ءۇش زىمىران ۇشىرۋدى جوسپارلاپ وتىر. بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى دوسجان مۇساليەۆ مالىمدەدى.

ونىڭ ايتۋىنشا، قازىر «بايتەرەك» كەشەنىندە تەحنيكالىق جۇمىستار جۇرگىزىلىپ جاتىر. ەسكە سالا كەتەيىك، العاشقى سىناقتىق ۇشىرۋ وسى جىلدىڭ جەلتوقسان ايىنا جوسپارلانعان.

2027 جىلعا دەيىن سىناق ساپارى جوسپارلانعان. ال 2028 جىلدان باستاپ جىل سايىن 4 زىمىران ۇشىرىلماق، ونىڭ ۇشەۋىنە رەسەي تاراپى كەپىلدىك بەرىپ وتىر. جالپى، «بايتەرەك» جوباسى بويىنشا ءوزارا ءىس-قيمىل رەسەيمەن جاسالعان جەكە ۇكىمەتارالىق كەلىسىم اياسىندا جۇزەگە اسىپ جاتىر، – دەدى مۇساليەۆ.

انىقتاما

«بايتەرەك» جوباسى بايقوڭىردا قازاقستان مەن رەسەي اراسىنداعى 2004 جىلعى كەلىسىمگە سايكەس ىسكە اسىرىلىپ جاتىر. قۇجات جاڭا عارىشتىق زىمىران كەشەنىن قۇرۋدى قاراستىرادى، ول ارقىلى رەسەيلىك «سويۋز-5» زىمىران-تاسىعىشىن ۇشىرۋ كوزدەلگەن. «بايتەرەكتى» تولىققاندى پايدالانۋدىڭ باستالۋى 2028 جىلعا جوسپارلانعان. بۇعان دەيىن كەشەننەن 2025 جىلدىڭ جەلتوقسانىندا سىناقتىق ۇشىرۋلار باستالماق.

Abai.kz