ونىڭ چەمپيوندار ليگاسىنداعى ءساتتى ونەر كورسەتۋى اياسىندا لوندوندىق باسىلىم TheChelseaChronicle پورتالى پىكىر ءبىلدىردى.

“ەستەۆان ۋيلليان مەن اندرەي سانتوس سەكىلدى جاس تالانتتار “چەلسي” ساپىندا تولىق ماۋسىم وتكىزىپ جاتقان كەزدە، كلۋب ساتپاەۆ تا “ستەمفورد بريدجدە” جارقىرايتىن كەلەسى جۇلدىز بولادى دەپ ۇمىتتەنەدى”، - دەپ جازادى پورتال. 

سونداي-اق كلۋب جاس فۋتبولشىعا جەكە جاتتىقتىرۋشى دا العان ەكەن.

“فۋتبولشى قازاقستاننان كەلەسى جازعا دەيىن جۇمىس ىستەۋگە رۇقسات السا، ەلدەن ەرتە كەتۋى مۇمكىن. ساتپاەۆقا ءالى دە ۇزاق دامۋ جولىنان ءوتۋ قاجەت. الايدا “چەلسي” ونىڭ سەنىمدى قولدا ەكەنىن ايتادى. كلۋبتىڭ وعان جەكە جاتتىقتىرۋشى تاعايىنداۋى – جاس قازاقستاندىققا ارتىلىپ وتىرعان زور ءۇمىتتىڭ ايعاعى”، – دەپ جازادى TheChelseaChronicle.

ايتا كەتەيىك، قازىرگى تاڭدا داستان قازاقستان پرەمەر-ليگاسىنداعى ۇزدىك سۇرمەرگەندەردىڭ ءبىرى. ول بيىلعا ماۋسىمدا 18 ماتچ وتكىزىپ، 8 گول سوعىپ ۇلگەردى. ال، ۋەفا چەمپيوندار ليگاسى اياسىندا 4 ماتچقا قاتىسىپ، ەكى گولمەن قاتار ءبىر اسسيست جاسادى.

Abai.kz