قازاقستان رەسپۋبليكاسى پرەزيدەنت جانىنداعى ورتالىق كوممۋنيكاتسيالار قىزمەتىنىڭ قۇرىلىمىندا جالعان اقپاراتقا قارسى كۇرەس جونىندەگى ورتالىق جۇمىسىن باستايدى.

جاڭا قۇرىلىم ازاماتتاردىڭ سەنىمدى اقپارات الۋ قۇقىعىن قامتاماسىز ەتۋدەگى ماڭىزدى ەلەمەنت بولادى.

ورتالىقتىڭ نەگىزگى مىندەتتەرى:

جالعان اقپاراتتى انىقتاۋ جانە ونى جوققا شىعارۋ;

ازاماتتاردى ماڭىزدى تاقىرىپتار بويىنشا وبەكتيۆتى، تەكسەرىلگەن دەرەكتەرمەن قامتاماسىز ەتۋ;

اقپاراتتى جاۋاپكەرشىلىكپەن تۇتىنۋ مادەنيەتىن دامىتۋ.

اقپاراتتىق قانىقتىرۋ جاعدايىندا فاكتىلەردى قاساقانا بۇرمالاۋدان اجىراتۋ وتە ماڭىزدى. جاڭا ورتالىق اقپارات اعىنىندا ناۆيگاتسيا قۇرالىنا اينالادى.

جۇمىس مەملەكەتتىك ورگاندار، ساراپشىلار قاۋىمداستىعى، جۋرناليستەر جانە ازاماتتارمەن ىنتىماقتاستىقتا جۇرگىزىلەدى.

ورتالىقتى قۇرۋ - بۇل ناقتى فاكتىلەرگە، جاۋاپكەرشىلىككە جانە اقپاراتقا دەگەن سەنىمگە نەگىزدەلگەن تۇراقتى كوممۋنيكاتسيالىق ورتانى قالىپتاستىرۋعا قيسىندى قادام.

ورتالىق فەيكتەرگە تۇراقتى شولۋلار، مانيپۋلياتسيا جاساۋ كەيستەرىن جاريالايدى، سونداي-اق رەزونانستىق اقپاراتتىق تاقىرىپتار بويىنشا ساراپتامالىق تۇسىنىكتەمەلەر بەرەدى. ورتالىقتى ىسكە قوسۋ كۇردەلى اقپاراتتىق پروتسەستەردى الەۋمەتتىك جەلىلەردەگى رەسمي رەسۋرستارعا قاراپايىم جانە كورنەكى تۇسىندىرۋگە باعىتتالعان اقپارات ورنالاستىرۋمەن قاتار جۇرەدى.

ءبىرىنشى شىعارىلىمدا سوڭعى كەزدەرى ەلىمىزدىڭ اقپاراتتىق كەڭىستىگىندە پايدا بولىپ جاتقان جالعان مالىمەتتەردى زەردەلەيمىز.