بۇگىن پارلامەنت پالاتالارىنىڭ بىرلەسكەن وتىرىسى اياسىندا باق وكىلدەرىنىڭ ساۋالىنا جاۋاپ بەرگەن ول ەڭ تومەنگى جالاقىنى ەسەپتەۋ ادىستەمەسى ازىرلەنگەنىن اتاپ ءوتتى. ەسەپتەۋ بارىسىندا ەڭبەك ونىمدىلىگىنىڭ كورسەتكىشتەرى، مەدياندى جالاقى جانە ينفلياتسيا ەسەپكە الىنادى

- زەرتتەۋلەر ەڭ الدىمەن دەرەكتەردى جيناۋدى كوزدەيدى. كەمىمەلى كورسەتكىش دۇرىس قۇرام قالىپتاستىرۋ، ەسەپتەۋلەردى دۇرىس جۇرگىزۋ ءۇشىن قاجەت. بۇگىندە بۇل ءۇش ينستيتۋت تاراپىنان قولعا الىنعان. جۇمىس ءالى اياقتالعان جوق. سوعان وراي شەشىم دە قابىلدانبادى. دەگەنمەن بۇعان دەيىن جۇمانعارين مىرزا (پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى) رەسپۋبليكالىق بيۋدجەتتە 2026 جىلعا ارنالعان ەڭ تومەنگى جالاقى مولشەرى 85 مىڭ تەڭگە بولىپ بەكىتىلگەنىن ايتقان ەدى، - دەدى مينيستر.

وسى ورايدا باق وكىلدەرى ەڭ تومەنگى جالاقىنىڭ 2027 جىلى ارتۋ مۇمكىندىگىن سۇراعان بولاتىن.

- ايتا المايمىن. وزدەرىڭىز دە بىلەتىندەي، بۇل – ماكروەكونوميكالىق كورسەتەىش. قازىرگى ۋاقىتتا مينيسترلىك ەڭ تومەنگى جالاقى قانداي بولۋى كەرەكتىگىن دۇرىس ەسەپتەۋ جانە جۇمىس توبىنا شەشىم قابىلداۋعا ۇسىنۋ ءۇشىن جۇمىس ىستەپ جاتىر. تاعى دا اتاپ وتكىاكەلەدى، ەڭ تومەنگى جالاقى جالاقى كورسەتكىشى ەمەس، ماكروەكونوميكالىق كورسەتكىش سانالادى. ەڭ تومەنگى جالاقى بىلىكتىلىگى تومەن، ءبىلىمى، قۇزىرەتى، داعدىسى جوق ماماندارعا تولەنەدى. ال جوعارى جالاقى الۋ ءۇشىن، ءوزىڭدى ەڭ تومەنگى زەينەتاقىمەن قامتاماسىز ەتۋ ءۇشىن ءومىر بويى ءبىلىم جەتىلدىرىپ، جۇمىس ىستەۋ قاجەت، - دەدى سۆەتلانا جاقىپوۆا.

دەرەككوزى: قازاقپارات

Abai.kz