قىتايدا اسكەري شەرۋ ءوتتى. بۇل قىتاي تاريحىنداعى ەڭ اۋقىمدى اسكەري شەرۋ سانالادى.

اسكەري پاراد ەكىنشى دۇنيەجۇزىلىك سوعىستا جانە جاپون باسقىنشىلىعىنا قارسى كۇرەستە جەتكەن جەڭىستىڭ 80 جىلدىعىنا وراي ۇيىمداستىرىلعان. اسكەري پارادت بەيجىڭدەگى ايگىلى تيانانمەن الاڭىندا ءوتتى.

قازاقستان پرەزيدەنتى قاسىم-جومارت توقاەۆ پەن اتالعان شاراعا ارنايى شاقىرىلعان وزگە دە شەتەلدىك باسشىلار اسكەري پارادتان سوڭ، قحر توراعاسى سي ءتسزينپيننىڭ اتىنان ۇيىمداستىرىلعان سالتاناتتى قابىلداۋعا قاتىستى.

بۇل پارادتا قىتاي حالىق ازاتتىق ارمياسى ءداستۇرلى اسكەر تۇرلەرى مەن قارۋلى كۇشتەردىڭ جاڭا بولىمشەلەرىن تانىستىردى. بۇل جولى پارادتا قحر اەروعارىش جانە كيبەر اسكەرلەرى العاش رەت ساپ تۇزەدى.

ساپ تۇزەگەن ساربازدار ءھام جويقىن قارۋ-جاراقتار...

قۇرلىق اسكەرلەرى، اسكەري-تەڭىز كۇشتەرى، اسكەري-اۋە كۇشتەرى جانە زىمىران كۇشتەرىنەن باسقا، پارادتا العاش رەت 2024 جىلى قۇرىلعان قارۋلى كۇشتەردىڭ جاڭا بولىمشەلەرى – اەروعارىش كۇشتەرى، كيبەرعارىش كۇشتەرى، اقپاراتتىق قامتاماسىز ەتۋ كۇشتەرى جانە ماتەريالدىق-تەحنيكالىق قامتاماسىز ەتۋ كۇشتەرى قاتىستى.

قىتاي سونىمەن بىرگە، بۇكىل پلانەتانى اينالىپ ۇشۋعا قابىلەتتى راديۋسى بار «DF-5C» ستراتەگيالىق يادرولىق قۇرلىقارالىق زىمىرانىن كورسەتتى.

بەيجىڭدەگى پارادتا قىتاي الەم نازارىنا ءوزىنىڭ زاماناۋي تەحنيكالارى مەن قارۋ-جاراقتارىن كورسەتتى.

سونىمەن، بەيجىڭنىڭ سەسى بولعان قانداي قارۋلار؟ قاراڭىز:

* قىتاي جاڭا قۇرلىقارالىق بالليستيكالىق زىمىراندى – «DF-5C-ءدى» كورسەتتى، ونىڭ ۇشۋ قاشىقتىعى بۇكىل جەر شارىن قامتيدى;

* اۋە بازاسىندا قولدانىلاتىن بالليستيكالىق زىمىران – «JL-1»;

* قۇرلىقارالىق قاشىقتىقتاعى سۋاستى بالليستيكالىق زىمىران – «JL-3»;

* جاڭا نۇسقاداعى جەرۇستى مبر – «DF-31»;

* سونداي-اق سۋاستى درونىن – «AJX002» جانە لازەرلىك قارۋدى تانىستىردى.

بۇل جولى قىتايداعى پاراد پەن شىۇ ءسامميتىنىڭ جيىندارىنا رەسەي پرەزيدەنتى ۆلاديمير پۋتين، سولتۇستىك كورەي باسشىسى كيم چەن ىن، ءۇندىستان پرەمەرى نارەندرا مودي، پاكىستان پرەزيدەنتى اسيف ءالي زارداري باستاعان يادرولىق دەرجاۆا باسشىلارى باردى.

بۇل البەتتە اقش تارابىنىڭ الاڭداۋشىلىعىن تۋدىردى. باق: «اقش پرەزيدەنتى دونالد ترامپ قىتايعا قوناققا بارعان كحدر جانە رەسەي باسشىلارىنا شۇيلىكتى. ترامپ قىتايدى، رەسەي مەن سولتۇستىك كورەيدى اقش-قا قارسى استىرتىن ارەكەت جاساۋدا ايىپتادى. «سي، وتىنەمىن، سەندەر امەريكا قۇراما شتاتتارىنا قارسى قاستاندىق ويلاستىرىپ جاتقاندا ۆلاديمير پۋتين مەن كيم چەن ىنعا مەنىڭ ەڭ ىستىق سالەمىمدى جەتكىز!»، – دەپ جازدى ترامپ»، - دەپ حابار تاراتۋدا.

فوتوبايان

سۋرەت: اقوردا تەلەگرام ارناسىنان الىندى.

سۋرەت: اقوردا تەلەگرام ارناسىنان الىندى.

سۋرەت: اقوردا تەلەگرام ارناسىنان الىندى.

سۋرەت: اقوردا تەلەگرام ارناسىنان الىندى.

سۋرەت: اقوردا تەلەگرام ارناسىنان الىندى.

سۋرەت: bbc.com تەلەگرام ارناسىنان الىندى.

سۋرەت: bbc.com تەلەگرام ارناسىنان الىندى.

سۋرەت: bbc.com تەلەگرام ارناسىنان الىندى.

سۋرەت: bbc.com تەلەگرام ارناسىنان الىندى.

سۋرەت: bbc.com تەلەگرام ارناسىنان الىندى.

Abai.kz