بىرىككەن ۇلتتار ۇيىمىنىڭ كوميسسياسى تاۋەلسىز زەرتتەۋ جۇرگىزىپ، يزرايل گازا سەكتورىندا پالەستينالىقتارعا قارسى گەنوتسيد جاساپ جاتىر دەگەن شەشىمگە كەلدى.

بۇل تۋرالى كوميسسيانىڭ ەسەبىندە ايتىلادى. كوميسسيا يزرايل گازا سەكتورىندا گەنوتسيد تۋرالى كونۆەنتسيادا گەنوتسيد ارەكەتتەرى دەپ كورسەتىلگەن بەس ارەكەتتىڭ تورتەۋىن جاسادى دەپ سانايدى.

بۇۇ-نىڭ توبى انىقتاعان ارەكەتتەر: پالەستينالىقتاردى ءولتىرۋ، ولارعا فيزيكالىق جانە پسيحيكالىق جاپا شەكتىرۋ، ادامداردى تولىق يا جارتىلاي جويىپ جىبەرۋگە ارەكەت جاساۋ جانە بالا تۋدى توقتاتۋعا ارەكەتتەر جاساۋ.

امەريكالىق Sky News ارناسى "بۇۇ-نىڭ ورگاندارى مۇنداي ايىپتاۋدى ءبىرىنشى رەت اشىق جاريالاعانىن" اتاپ وتكەن. يزرايل سىرتقى ىستەر مينيسترلىگى كوميسسيانىڭ قۇجاتىن "حاماس-تىڭ وتىرىگىنە قۇرىلعان فەيك ەسەپ" دەپ اتادى.

"يزرايل بۇرمالانعان ءالى جالعان ەسەپتى جوققا شىعارىپ، تەرگەۋ جۇرگىزگەن كوميسسيانى تاراتۋعا شاقىرادى" دەدى ەلدىڭ سىرتقى ىستەر مينيسترلىگى مالىمدەمەسىندە.

دەرەككوزى: ازاتتىق راديوسى

Abai.kz