يسپاندىق جۋرناليستەر مەن بلوگەرلەر «قايرات» – «رەال مادريد» ماتچىنىڭ الدىندا «شىمبۇلاققا» باردى.

الماتىعا ميلليونداعان اۋديتورياسى بار 15 يسپاندىق جۋرناليست پەن بلوگەر كەلدى. ولار ۋەفا چەمپيوندار ليگاسىنداعى «قايرات» پەن «رەال مادريد» اراسىنداعى الداعى ماتچتى جاريا ەتۋ ءۇشىن ات باسىن بۇردى. بۇل تۋرالى قالالىق تۋريزم باسقارماسى حابارلادى.

ساپار اياسىندا شەتەلدىك قوناقتار الماتىنىڭ تۋريستىك جانە مادەني الەۋەتىمەن تانىسۋ ءۇشىن «شىمبۇلاق» تاۋ-شاڭعى كۋرورتىنا باردى.

جۋرناليستەر مەن بلوگەرلەر يسپان ءتىلىن ەركىن مەڭگەرگەن الماتىلىق بلوگەر ءارى پوليگلوت ءمادي فازىلعا جولباسشى بولۋدى ءوتىندى. ونىڭ كومەگىمەن قوناقتار الماتىنىڭ اتموسفەراسىن جاقىنىراق سەزىنىپ، قالانىڭ ەرەكشە كولوريتىن اشتى.

مۇنداي ساپارلار الماتىنى حالىقارالىق دەڭگەيدە ىلگەرىلەتۋگە، قالانىڭ تۋريزم، سپورت جانە مادەنيەت ورتالىعى رەتىندەگى مارتەبەسىن نىعايتۋعا ىقپال ەتەدى.

Abai.kz