ۇلتتىق بانك تۇتىنۋشىلارعا وسىنداي مۇمكىندىك ۇسىنىپ وتىر. ياعني ۇلتتىق بانك بانكتەردىڭ ءموبيلدى قوسىمشالارى ارقىلى تاۋارلار مەن قىزمەتتەرگە تولەم جۇرگىزۋ ءۇشىن بانكارالىق QR-تولەمدەر سەرۆيسىن ىسكە قوستى. اتالعان باستاما «ۇلتتىقتولەم كورپوراتسياسى» اق بازاسىندا جۇزەگە استى.

«سەرۆيس كليەنتتەرگە كەز كەلگەن بانكتىڭ پايداسىنا بانكارالىق QR-تولەمدەردى قابىلداۋعا جانە جۇزەگە اسىرۋعا مۇمكىندىك بەرە وتىرىپ، بانكتەردىڭ تولەم قىزمەتتەرىن كەڭەيتەدى. بۇگىننەن باستاپ بانكارالىق QR-تولەمدەر سەرۆيسى «بانكتسەنتركرەديت» اق، «Home Credit Bank» اق جانە «Freedom Bank» اق كليەنتتەرىنە قولجەتىمدى. وپەراتسيا جاساۋ ءۇشىن ساتىپ الۋشى كليەنت بانكتىڭ ءموبيلدى قوسىمشاسىنا كىرىپ، ساتۋشىنىڭ (سەرۆيسكە قاتىسۋشى بانكتەردىڭ بىرىندە قىزمەت كورسەتىلەتىن) تەرمينالىندا QR-كودتى سكانەرلەپ، تولەمدى راستاۋى قاجەت»، دەپ تۇسىندىرەدى باس بانك ءباسپاسوز قىزمەتى.

ۇلتتىق بانك ساراپشىلارىنىڭ ايتۋىنشا، بانكارالىق QR-تولەمدەردى ىسكە قوسۋ بانكتەر اراسىنداعى ءوزارا ءىس-قيمىل دەڭگەيىن ارتتىرادى، ىڭعايلى ەتەدى جانە تۇتىنۋشى ءۇشىن تولەم قىزمەتتەرىنىڭ قولجەتىمدىلىگىن كەڭەيتەدى.

بۇل جۇمىس كەزەڭ-كەزەڭىمەن ءارى قاراي جالعاسادى. ول ءۇشىن باسقا بانكتەر وسىجۇمىسقا قاتىستى ىشكى ۇدەرىستەردى بەيىمدەۋى ءتيىس.

دەرەككوزى: مىڭ تەڭگە تەلەگرام ارناسى

Abai.kz