ۇستاز! ءيا، وسى ءبىر قۇرمەتتى ەسىم بۇكىل ادامزات بالاسىنا قىزمەت ەتىپ كەلە جاتقانىنا قانشاما عاسىرلار العا جىلجۋدا. بۇگىن اباي وبلىسىنىڭ ۇستازدار قاۋىمى ءۇشىن ەرەكشە مەزەت، كەرەمەت ءسات. وسى ءبىر ۇلىقتى كۇندى اتاپ ءوتۋ قۇرمەتىن «اۋىل» پارتياسى اباي وبلىسى بويىنشا وڭىرلىك فيليالى سەمەي قالاسىنداعى فيزيكا-ماتەماتيكا باعىتىن تەرەڭدەتىپ وقىتاتىن «نازارباەۆ زياتكەرلىك مەكتەبىندە» «ۇستازدار كۇنى» مەرەكەسىنە وراي ءىس-شارا ۇيىمداستىردى.

اتالمىش شاراعا قاتىسقان ۇستازدار اراسىندا «ديپلوممەن اۋىلعا» جوباسى نەگىزىندە قالادان اۋىلدىق جەرلەرگە ۇستاز بولىپ بارعان ازاماتتار دا بار. ايتالىق، ولار، «اۋىل» پارتياسىنىڭ مۇشەلىگىنە دە وتكەنىنە وزدەرىنىڭ قۋانىشتى ەكەندىكتەرىن ءبىلدىرىپ جاتتى. بۇل شارادا، اباي وبلىسىنىڭ باقىرشىق، تۇركىسىب، شاعان، نوۆو-پوكروۆكا، يۆانوۆكا، پەتروپاۆلوۆكا سياقتى بىرقاتار  اۋىلدىق مەكتەپتەرىنەن كەلىپ قاتىسقان ۇستازداردىڭ تاماشا كوڭىل-كۇيى بايقالدى.

شارا بارىسىندا، اتالمىش مەكتەپتىڭ كوشباسشىلار كەڭەسىنىڭ مۇشەلەرى، العىر 11 – «ە» سىنىپ وقۋشىلارى راحىمجانوۆا اسەل مەن مۇراتقىزى ايزەرە قۇرمەتتى قوناقتاردى جىلى لەبىزبەن قارسى الىپ، مەكتەپ تاريحىنا ارنالعان قىسقاشا ەكسكۋرسيا جۇرگىزدى. ارتىنشا زاماناۋي وزىق ۇلگىدەگى مەكتەپتىڭ  تاجىريبەلى ۇستازدارى «اۆتوپورترەت» اتتى ترەنينگ ۇيىمداستىرىپ، جاڭا وزىندىك ادىستەمەلەرىمەن ءبولىسىپ، قاتىسۋشىلارعا  ينتەللەكتۋالدىق تىڭ سەرپىلىس سىيلادى.

وڭىرلىك پارتيا توراعاسى سماعۇلوۆ قايرات قاناتۇلى ۇستازدارعا مەرەكەلىك قۇتتىقتاۋ ءسوز سويلەپ، اۋىل مەكتەپتەرى مەن ءبىلىم سالاسىنداعى ءوز وي-پىكىرلەرىن ءبىلدىردى. ول ءوز سوزىندە  زاماناۋي قازاق تىلىندەگى مەكتەپتەردىڭ ساپاسىن ارتتىرۋ، ءبىلىم كورسەتكىش دەڭگەيىن كوتەرۋ تۇرعىسىنداعى ۇسىنىستارىمەن ءبولىسىپ ءوتتى. جيىندا، جالپى شارانىڭ ماقساتى ءتۇسىندىرىلىپ، وڭىرلىك پارتيا وكىلدەرى ا.جاكۋپوۆا، ب.ەرساينوۆالار ماراپاتتاۋ سالتاناتىن وتكىزۋگە بارىنشا ءوز ۇلەستەرىن تيگىزدى.   

مەرەكەلىك  شارا اياسىندا «اۋىل» پارتياسى اباي وبلىسى بويىنشا وڭىرلىك فيليالىنىڭ توراعاسى سماعۇلوۆ قايرات قاناتۇلى اۋىلدىق جەرلەردە ەڭبەك ەتىپ جۇرگەن ۇستازدار مەن جالپى ۇستازدار قاۋىمىن «اۋىل» پارتياسىنىڭ 25 جىلدىق مەرەكەلىك مەدالىمەن ماراپاتتاپ، ەستەلىك سىيلىقتار مەن قۇشاق گۇل شوقتارىن تارتۋ ەتتى.

سونىمەن بىرگە، پارتيا اتىنان مەكتەپ باسشىلىعىنا ەستەلىك فوتوكارتينا، كىتاپتار جانە ءبىر قۇشاق گۇل شوعى تابىستالدى.

كەزدەسۋ سوڭىندا ۇستازدار مەن پارتيا باسشىلىعى ەستەلىك فوتوسۋرەتكە ءتۇسىپ، مەرەكەلىك تاماشا كوڭىل-كۇيمەن تارقاستى.

بۇل شارا اۋىلدىق مەكتەپتەردەگى ءبىلىم ساپاسىن ارتتىرۋدا، جاس مامانداردى قولداۋدا، ۇلىق جولداعى ۇستازداردىڭ ەڭبەگىن باعالاۋدا وزىندىك ءبىر ەرەكشە مازمۇندا ىزگى وي قالىپتاستىردى.

ۇستازدارعا العىسىمىز شەكسىز – سىزدەر ارقىلى ۇرپاققا ساپالى ءبىلىم مەن ونەگەلى تاربيە ساۋلەسى تاراپ، جارقىن ەلدىڭ بولاشاعى ايقىندالماق.

«اۋىل» پارتياسى، اباي وبلىسى بويىنشا وڭىرلىك فيليالىنىڭ ءباسپاسوز قىزمەتى 

Abai.kz