دەنساۋلىق ساقتاۋ ءمينيسترى اقمارال ءالنازاروۆا سوڭعى بەس جىلدا پەريناتالدى ورتالىقتار سالۋ ماسەلەسى قولعا الىنعانىن ايتتى.

— قازاقستاندا تۋ كورسەتكىشتەرىنىڭ جوعارىلاۋىنا بايلانىستى سوڭعى بەس جىلدا پەريناتالدى ورتالىقتار سالۋ ماسەلەسى دە قولعا الىندى. بۇگىنگى تاڭدا 12 پەريناتالدىق ورتالىقتىڭ قۇجاتتارى ازىرلەنىپ جاتىر. بۇگىنگى كۇنى استانادا پەرزەنتحانا سالىنىپ جاتىر. جىل اياعىنا دەيىن شىمكەنت قالاسى مەن تۇركىستان وبلىسىنىڭ پەريناتالدى ورتالىقتارىنىڭ قۇرىلىسىن باستايمىز، — دەدى دەنساۋلىق ساقتاۋ ءمينيسترى اقمارال ءالنازاروۆا ۇكىمەتتەگى بريفينگتە.

سونىمەن بىرگە، بريفينگتە تۇسىك جاساتۋ كورسەتكىشتەرى دە اتاپ ءوتىلدى. قازىر ەلىمىزدە جىل سايىن 70 مىڭنان استام تۇسىك جاسالادى. ونىڭ ىشىندە فەرتيلدى جاستاعى — 25-35 جاس ارالىعىنداعى ايەلدەر اراسىندا كوپ.

سونداي-اق، جىل باسىنان بەرى شەتەلدەن 80 مىڭنان استام ادام كەلىپ، قازاقستاننىڭ مەديتسينالىق قىزمەتتەرىنە جۇگىنگەن.

Abai.kz