قازاقستان كوپعاسىرلىق تاريحى بەيبىتشىلىك پەن سوعىس، قايعى مەن قۋانىشتان تۇراتىن - الەمدەگى ەڭ ءىرى ەل. ءبىزدىڭ اتا-بابالارىمىز ءبىزدىڭ اسپانىمىز اشىق بولۋى ءۇشىن قانشاما رەت رەت جان بەرىپ، جان الىستى جانە وتارشىلاردىڭ باسقىنشىلىعىنا بولاشاق ۇرپاعىنىڭ ازاتتىعى ءۇشىن توزۋلەرنە دە تۋرا كەلدى!

ەلىمىزدە كوپتەگەن ماڭىزدى مەرەكەلەر بار، ولاردىڭ ءبىرى - جىل سايىن 4 ماۋسىمدا اتاپ وتىلەتىن رامىزدەر كۇنى. مەرەكەنىڭ باستى ماقساتى - ازاماتتارعا قازاقتىڭ مەملەكەتتىك رامىزدەرىنىڭ ماڭىزدىلىعى مەن ءمان-ءمانىسىن، ولاردىڭ تاريحىن ۇنەمى قۇرمەت تۇتۋعا باۋلۋ. بۇگىندە قازاقستاننىڭ ءرامىزى بۇكىل الەمگە تانىمال، ونى ەلىمىزدىڭ ءار سانالى ازاماتى كوككە كوتەرە قۇرمەت قىلىپ، كەۋدەسىن كەرە ماقتانىش ەتەدى. بۇل مەرەكە سونىمەن قاتار بالاڭ جۇرەكتەرگە پاتريوتتىق سەزىم وياتىپ، ەل-جۇرتىن بارىنەن جوعارى قويۋعا تاربيەلەيدى. مەملەكەتتىك رامىزدەردىڭ قالاي پايدا بولعانىن، ولاردىڭ ماعىناسى قانداي ەكەنىن مەكتەپتەگى ساباقتاردان مولىنان بىلۋگە بولادى.

قازىر، مىسالى، قازاقستاننىڭ مەملەكەتتىك تۋىن پايدالانۋ تاقىرىبى وتە وزەكتى.  ءتىپتى جالاۋدى قالاي جانە قايدا ىلۋگە بولاتىنىن، ونى جاريا ءىس-شارالار، ميتينگىلەر، جينالىستار، باسقا دا اكتسيالار كەزىندە قالاي پايدالانۋعا بولاتىنى دا بيلىك تاراپىنان حالىققا جەتە ناسيحاتتالىپ ءجۇر.

وسى ورايدا ەل پرەزيدەنتى قاسىم-جومارت توقاەۆتىڭ 2022 جىلدىڭ 4 ماۋسىمىندا مەملەكەتتىك رامىزدەر كۇنىن مەرەكەلەۋ كەزىندە ايتقان مىنا سوزدەرىن كەلتىرە كەتكەنىمىز ورىندى: «مەملەكەتتىك رامىزدەردى پايدالانۋ ءتارتىبى جونىندەگى زاڭنامانى كۇشەيتۋ ماڭىزدى. سونىمەن بىرگە، جاستارمەن جان-جاقتى ءتۇسىندىرۋ جۇمىسىن جۇرگىزگەن ءجون. بۇل – بۇكىل قوعامنىڭ مىندەتى. وسى ورايدا، بۇگىنگى سالتاناتتى ءىس-شارانىڭ تاربيەلىك ءمانى وتە زور. تۋ كوتەرۋ – اسا ماڭىزدى وقيعالارعا وراي جاسالاتىن ەرەكشە ءراسىم. حالقىمىز تاريحي تاڭداۋىن جاسايتىن ساتتە الىپ بايراعىمىزدىڭ كوكتە جەلبىرەۋىن جاقسى ىرىمعا بالايمىز».

ەلىمىزدەگى قوعام بەلسەندىلەرى باسقا دا جاستار بىرلەستىكتەرىندەگىلەر ۇنەمى وزگە وتانداستارىمىزبەن بىرگە الەۋمەتتىك جەلىلەردە پاتريوتتىق چەللەندجدەر وتكىزىپ، ولاردىڭ بارىسىندا قازاقستاندىق تۋ، ەلتاڭبا جانە ءانۇراننىڭ پايدا بولۋ تاريحى تۋرالى اڭگىمەلەپ، وسى تاقىرىپقا قاتىستى سۇراقتار مەن ۆيكتورينالار وتكىزىپ، وعان قاتىسقان جەڭىمپازدارعا سىيلىقتار مەن ماراپاتتار تابىس ەتەدى. وسىنىڭ ءبارى، بىزدىڭشە، مادەنيەت جانە سپورت مينيسترلىگى وسىنىڭ ءبارىنىڭ باسى-قاسىندا بولىپ، جاستارىمىزدىڭ بويىندا ءپاتريوتيزمدى تاربيەلەۋگە سەپتىگىن تيگىزىپ كەلەدى. وسى ورايدا ايتپاعىمىز، ءبىزدى ورىمدەي جاس جىگىتتەر مەن قىزدارىمىزدىڭ بۇل تاقىرىپقا بارعان سايىن قىزىعۋشىلىق تانىتىپ وتىرعانى قۋانتادى. ءارى ءتۇرلى دەڭگەيدەگى رامىزگە قاتىستى ءىس-شارالارعا بەلسەندى قاتىسۋشىلار سانىنىڭ ارتۋىن دا دالەل قىلا كەتپەكپىز.

سونىمەن قاتار، ەلىمىزدەگى ءتۇرلى كلۋبتار دا بيلىك ۇيىمداستىرعان شارالاردان بولەك ءوز الدارىنا «تاۋەلسىزدىك تۋىن كوتەرىپ» ۇرانىمەن ۆەلوجارىستاردى ءجيى وتكىزىپ تۇرادى. جاس قوعام بەلسەندىلەرى ءوز قۇرداستارىنا رەسپۋبليكانىڭ مەملەكەتتىك رامىزدەرىنىڭ ماعىناسى مەن ماڭىزىن، ولاردىڭ بارشامىز ءۇشىن ماڭىزىن ءتۇسىندىرۋ ارقىلى پاتريوتتىق تاربيە بەرۋ جۇمىستارىن ودان ءارى جالعاستىرۋعا نيەتتى ەكەنىن كۇندەلىكتى ومىردەن كورىپ ءجۇرمىز.

قازاقستاندا ادامدار ناسىلىنە، ۇلتىنا جانە دىنىنە قاراي بولىنبەيدى، بارلىعى دوستىق پەن بەيبىتشىلىكتە ءومىر سۇرەدى. قازاقستاندا تۇراتىن ەتنوستاردىڭ مادەني جانە ۇلتتىق سالت-داستۇرلەردى ىسكە اسىرۋ ءۇشىن تەڭ مۇمكىندىكتەرى بار. بارلىق حالىقتاردىڭ تاريحي مۇراسىنا قۇرمەت كورسەتىلەدى. وسىنىڭ ىشىندە بارىلىع ءۇشىن باستى ورنادا - رامىزدەرىمىز تۇرادى.

وتانىمىزدىڭ ۇلتتىق ماقتانىشى – مەملەكەتتىك رامىزدەردەن تۇراتندىقتان ۇستازدار قاۋىمى ءوز باسشىلىعىنا العان سىنىپتارىنداعى وقۋشىلاردىڭ مەملەكەتىك رامىزدەرىمىز تۋرالى بىلىمدەرىن تولىقتىرىپ، قۇرمەتتەۋگە ۇيرەتۋدەن ەش جالىقپاي كەلەدى. كەز كەلگەن مەملەكەتتىڭ ايشىعى – مەملەكەتتىك رامىزدەرى ەكەنى بەلگىلى سوندىقتان ەلىن، جەرىن ءسۇيۋ مەن وتانعا دەگەن ادالدىقتىڭ ءبىر بەلگىسى – مەملەكەتتىك رامىزدەرىمىزدى قادىر تۇتۋ بولىپ تابىلادى. جاس ۇرپاقتى ەلجاندىلىق نەگىزدە تاربيەلەۋدە دە مەملەكەتتىك نىشانداردىڭ الار ورنى ەرەكشە ەكەنىن ەشكىم جوققا شىعارميادى.

اتالعانا ماقالامىزدى مەملەكەت باسشىسى قاسىم-جومارت توقاەۆتىڭ: «قاسيەتتى نىشاندارىمىزدا قازاقتىڭ مىڭ جىلدىق ارمان-تىلەگى، ماقسات-مۇراتى تۇگەل توعىسقان. تۋ حالقىمىز ءۇشىن قاشاندا ەرلىك پەن ەلدىكتىڭ سيمۆولى سانالعان. كوك تۇرىكتەر زامانىندا بابالارىمىز ءبورىلى بايراقتىڭ توڭىرەگىنە توپتاستى. قازاق حاندىعىنىڭ تۋى بۇكىل ۇلتتى ۇيىستىردى، ەل بىرلىگىن بەكەمدەدى. ال، وتكەن عاسىردا ارىستارىمىز «الاش تۋى استىندا، كۇن سونگەنشە سونبەيمىز!» دەپ حالىققا جىگەر بەردى.   كونە داۋىردەن ميراس بولعان وسى ءداستۇر ۇرپاقتان ۇرپاققا جالعاسىپ، بۇگىنگى كۇنگە جەتتى.   قازاق ەلىنىڭ كوگىندە ۇلى دالانىڭ ايبىنىن اسىرعان تاۋەلسىزدىك تۋى جەلبىرەدى. كوك بايراعىمىز – مىزعىماس مەملەكەتتىلىكتىڭ بەلگىسى. ەلتاڭبامىز – ازاتتىقتىڭ ايشىقتى كورىنىسى. ال، ءانۇرانىمىز – ەركىندىك پەن ەلدىكتىڭ ءۇنى. تاۋەلسىزدىكتىڭ وسى ءۇش سيمۆولى حالقىمىزعا ەرەكشە رۋح بەرەدى. ارقايسىمىزدىڭ كەۋدەمىزگە ماقتانىش ۇيالاتادى. ويتكەنى، بۇل – بابالارىمىزدىڭ ورىندالعان ارمانى»، دەگەن ءتالىمدى سوزىمەن اياقتاعىمىز كەلەدى.

Abai.kz