شىعىس قازاقستان وبلىسى التاي قالاسىندا «تابيعات تازالىعى — ەل بولاشاعى» تاقىرىبىندا دوڭگەلەك ۇستەل ءوتتى. ءىس-شارانىڭ ۇيىمداستىرۋشىسى — «التاي اۋدانىنىڭ جاستار رەسۋرستىق ورتالىعى» كمم.

(سۋرەت:ۇيىمداستىرۋشىلاردان الىندى)

كەزدەسۋدىڭ ماقساتى — ۇلتتىق «تازا قازاقستان» جوباسى اياسىندا جاستاردىڭ ەكولوگيالىق مادەنيەتىن قالىپتاستىرۋ جانە قورشاعان ورتانى قورعاۋعا دەگەن جاۋاپكەرشىلىگىن ارتتىرۋ.

دوڭگەلەك ۇستەل جۇمىسىنا ءبىلىم بەرۋ مەكەمەلەرىنىڭ وكىلدەرى، مەملەكەتتىك ورگاندار، قوعامدىق ۇيىمدار مەن جاستار بىرلەستىكتەرىنىڭ مۇشەلەرى قاتىستى. قاتىسۋشىلار وڭىردەگى وزەكتى ەكولوگيالىق ماسەلەلەردى تالقىلاپ، قورشاعان ورتانىڭ جاعدايىن جاقسارتۋعا باعىتتالعان يدەيالارمەن ءبولىستى، سونداي-اق جاستاردى ەكولوگيالىق باستامالار مەن ۆولونتەرلىك جوبالارعا تارتۋ جولدارىن قاراستىردى.

ءىس-شارا بارىسىندا تابيعاتقا ۇقىپتى قاراۋ قۇندىلىقتارىن ناسيحاتتاۋ جانە ەكولوگيالىق مادەنيەتتى قوعام اراسىندا كەڭىنەن دارىپتەۋ ماسەلەلەرىنە ەرەكشە نازار اۋدارىلدى.

دوڭگەلەك ۇستەل سوڭىندا قاتىسۋشىلار بولاشاققا قامقورلىق پەن جاسىل ەل قۇرۋعا ۇلەس قوسۋ نىشانى رەتىندە تۇقىم وتىرعىزۋ اكتسياسىنا قاتىستى.

كۇتىلەتىن ناتيجە رەتىندە جاستاردىڭ ەكولوگيالىق ساۋاتتىلىعىن ارتتىرۋ، تابيعاتتى قورعاۋ ماسەلەلەرىنە دەگەن سانالى كوزقاراس قالىپتاستىرۋ، سونداي-اق ءبىلىم بەرۋ ۇيىمدارى، مەملەكەتتىك قۇرىلىمدار مەن قوعامدىق ۇيىمدار اراسىنداعى ىنتىماقتاستىقتى نىعايتۋ كوزدەلۋدە.

ۇيىمداستىرۋشىلار مۇنداي باستامالار باسقا وڭىرلەرگە دە ۇلگى بولىپ، ازاماتتاردى «تازا قازاقستان» باعدارلاماسىنا بەلسەندى قاتىسۋعا ىنتالاندىرادى دەگەن سەنىم ءبىلدىردى.

Abai.kz