اقش پرەزيدەنتى دونالد ترامپ نيگەرياعا سوعىس اشاتىنىن ايتىپ، ەسكەرتۋ جاسادى.

اقش پرەزيدەنتى دونالد ترامپ نيگەرياداعى حريستياندارعا قارسى زورلىق-زومبىلىققا بايلانىستى: "ەگەر نيگەريا ۇكىمەتى حريستيانداردىڭ قىرعىنعا ۇشىراۋىنا جول بەرۋدى جالعاستىرا بەرسە، اقش نيگەرياعا كومەكتىڭ كەز كەلگەن ءتۇرىن دەرەۋ توقتاتادى جانە ەلدى ماسقارا جاساعان يسلامشىل تەرروريستەردى تولىق جويۋ ءۇشىن قارۋمەن ەنۋى مۇمكىن", – دەپ جازدى ءوزىنىڭ Truth Social الەۋمەتتىك جەلىسىندە.

اقش قورعانىس ءمينيسترى پيت حەگسەت پەنتاگون بولۋى مۇمكىن اسكەري ءىس-قيمىلدارعا دايىندىقتى باستادى دەپ مالىمدەدى.

بۇعان دەيىن اقش پرەزيدەنتىنىڭ اكىمشىلىگى نيگەريانى "ەرەكشە الاڭداۋشىلىق تۋدىرعان ەلدەر" تىزىمىنە قايتا قوسقان. اقش ۇكىمەتى ول تىزىمگە الەمدە ءدىن ەركىندىگىن بۇزىپ وتىر دەپ سانايتىن مەملەكەتتەردى ەنگىزگەن.

1 قاراشا كۇنى نيگەريا پرەزيدەنتى بولا تينۋبۋ بۇل ايىپتاۋلاردى جوققا شىعاردى. نيگەريانىڭ سىرتقى ىستەر مينيسترلىگى جەكە مالىمدەمەسىندە ەكسترەميزممەن كۇرەستى جالعاستىرۋعا ۋادە بەرگەن جانە اقش وسى ەلدىڭ جاقىن وداقتاسى بولىپ قالا بەرەدى دەپ ۇمىتتەنەتىنىن ايتقان.

Abai.kz