قازاقستاندا زەينەتاقى جيناعىن تۇرعىن ۇيگە جۇمساۋعا قاتىستى ماڭىزدى شەشىم دايىندالۋدا. 

قازاقستان ازاماتتارىنا بىرىڭعاي جيناقتاۋشى زەينەتاقى قورىنداعى (بجزق) زەينەتاقى جيناقتارىن پايدالانۋ مۇمكىندىكتەرىن كەڭەيتۋ ۇسىنىلۋى مۇمكىن.

ونەركاسىپ جانە قۇرىلىس مينيسترلىگى 21 قاراشاعا دەيىن "اشىق نقا" پورتالىندا تالقىلاۋعا ۇسىنىلاتىن بۇيرىق جوباسىن ازىرلەدى.

جوبا زەينەتاقى جيناقتارىن پايدالانۋ مۇمكىندىكتەرىن كەڭەيتۋدى قاراستىرادى. اتاپ ايتقاندا، ولاردى كەلەسى باعىتتارعا جۇمساۋعا رۇقسات بەرۋ ۇسىنىلادى:

– يپوتەكالىق تۇرعىن ءۇي قارىزى بويىنشا نەگىزگى قارىزدى وتەۋ;
– اي سايىنعى تولەمدى ازايتۋ;
– نەسيە مەرزىمىن قىسقارتۋ.

قۇجاتتا ايتىلعانداي، جاڭارتۋلار سالىق كودەكسىنىڭ جاڭا رەداكتسياسىمەن بايلانىستى. وعان سايكەس قازاقستان رەزيدەنتتەرى بىرىڭعاي جيناقتاۋشى زەينەتاقى قورىنان (بجزق) الىناتىن زەينەتاقى تولەمدەرى بويىنشا جەكە تابىس سالىعىن تولەۋدەن بوساتىلادى.

قاعيدالار جەكە تۇلعالاردان - قر رەزيدەنتتەرىنەن بجزق-دان زەينەتاقى تولەمدەرى تۇرىندەگى كىرىستەن جەكە تابىس سالىعىن ۇستاۋدان بوساتۋدى كوزدەيتىن قر جاڭا سالىق كودەكسىنىڭ رەداكتسياسىنا سايكەس كەلتىرۋ جانە بانكتەر الدىنداعى بورىشتىق جۇكتەمەنى ازايتۋ ءۇشىن نەگىزگى قارىزدى وتەۋ، اي سايىنعى تولەمدى ازايتۋ، يپوتەكالىق تۇرعىن ءۇي قارىزى بويىنشا كرەديت مەرزىمىن قىسقارتۋ، قر زاڭناماسىنا سايكەس تۇرعىن ءۇي جاعدايىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ ءۇشىن ءتيىمدى نورمالاردى بەلگىلەۋدى قاراستىرادى، - دەپ جازىلعان قۇجاتتا.

مينيسترلىك وزگەرىستەردىڭ ماقساتى – بىرجولعى زەينەتاقى تولەمدەرىن پايدالانۋ پروتسەسىن ءتيىمدى ءارى ىڭعايلى ەتۋ، سونداي-اق ازاماتتارعا قولدانىستاعى زاڭنامانىڭ شەڭبەرىندە تۇرعىن ءۇي جاعدايلارىن جاقسارتۋعا قوسىمشا قۇرالدار ۇسىنۋ ەكەنىن اتاپ كورسەتەدى.

Abai.kz