اباي وبلىسىندا قازاق بالالار ادەبيەتىنىڭ كورنەكتى وكىلى، اقىن-جازۋشى ساپارعالي بەگاليننىڭ 130 جىلدىعىنا ارنالعان ستۋدەنتتەر اراسىندا قالالىق «مانەرلەپ ولەڭ وقۋ» سايىسى ۇيىمداستىرىلدى. شارانى «اۋىل» پارتياسى اباي وبلىسى بويىنشا وڭىرلىك فيليالىنىڭ ۇيىتقى بولۋىمەن «م.و. اۋەزوۆ اتىنداعى پەداگوگيكالىق كوللەدجدىڭ» «مەنىڭ الەمىم» وقىرماندار كلۋبى بىرلەسە وتكىزدى.

وڭىرلىك پارتيانىڭ وكىلى ە.ومارعاليەۆ سايىستىڭ اشىلۋ ءسوزىن سويلەپ، بارلىق قاتىسۋشىلارعا ساتتىلىك تىلەپ، «اۋىل» پارتياسى مۇنداي ءىس-شارالاردىڭ جاستار اراسىندا وتۋىنە قاشاندا قولداۋ تانىتۋدا دەپ اتاپ ءوتتى. سونىمەن بىرگە، وسى اتالمىش سايىستى جان-جاقتى جوعارى دەڭگەيدە ۇيىمداستىرۋدا پارتيا بەلسەندىلەرى:  ا.جاكۋپوۆا مەن ب.ەرساينا وزىندىك زور ۇلەسىن تيگىزدى.

تاريحي ءبىلىم ورداسىنىڭ ۇستازى اقجول قادىلبەكۇلى بۇگىنگى ءىس-شارانىڭ ماڭىزىنا توقتالىپ، جاستارعا بەرەر ونەگەسى مول ەكەنىن تىلگە تيەك ەتىپ، اقىن-جازۋشى مەرەيتويى جايىندا ءوزىنىڭ جۇرەكجاردى قۇتتىقتاۋىمەن ءبولىستى.

سايىسقا جالپى جيىرماعا جۋىق دارىندى كوللەدج ستۋدەنتتەرى قاتىسىپ، كورنەكتى اقىننىڭ ءار ءتۇرلى مازمۇندى قامتىعان ەرەك ءماندى  ولەڭدەرىن جاتقا، كوركەم مانەرمەن وقىپ، لايىقتى تۇردە ورىنداپ باعىپ، قاتىسۋشىلار  داۋىس ىرعاعى، ساحنا مادەنيەتى، كوركەمدىك شەبەرلىگى جاعىنان ءوزارا سىنعا ءتۇستى.

شارا بارىسىندا، ادەبي كىتاپ كورمەسى دە ۇيىمداستىرىلىپ، اقىن شىعارماشىلىعىنا ارنالعان دەرەكتى مالىمەتتەر ۇسىنىلدى.

سونداي-اق، وسى كوللەجدىڭ جاس جالىندى ونەرپازى وماروۆا ارۋجان حاكىم ابايدىڭ «كوزىمنىڭ قاراسى» ءانىن اسەم ناقىشىمەن ورىنداپ، كوپشىلىكتىڭ كوڭىلىن ءبىر سەرپىلتىپ، سايىس اجارىن كىرگىزدى.

ادىلقازىلار القاسى قۇرامىندا: اقجول قادىلبەكۇلى – الاشتانۋشى-عالىم، ادەبيەتشى، ۇستاز. تەمىرلان تەمىرباي – اقىن، لينگۆيست، قازاق ءتىلى مەن ادەبيەتى ءپانىنىڭ مۇعالىمى. ەرىك قايراتبەكۇلى – جۋرناليست. ادىلقازى القاسى ادەبي سايىسقا قاتىسۋشى بارلىق جاس جالىنداردى كورسەتكەن ونەرلەرىنە ساي باعالاپ، ءوز باعاسىن بەردى.

سايىس قورىتىندىسىندا، «ۇزدىك» دەپ تانىلعان ستۋدەنتتەر: «باس جۇلدە» – ورالبەكوۆا زۋحرا، ءى ورىن –  شاعبان ءالي، ءىى ورىن – قاسەن ايزەرە، جۇماعاليەۆا كاۋسار، ۋسەنوۆا ارۋجان، ءىىى ورىن – رامازانوۆا اقەركە، سوۆەتبەك جانساۋلە، جارىلقاسىنوۆا توعجان، اليمحانوۆا نۇراي  بۇيىرعان ءتيىستى جۇلدەلەرىن يەلەنىپ، «ديپلوم» جانە «ەستەلىك سىيلىقتارمەن» ماراپاتتالدى. سونىمەن قاتار، بەلسەندى قاتىستى دەپ تانىلعان رامازانوۆا گۇلىم، گالينا نۇراي، جايلياۋباەۆا جانەركە، تايتۇياق ايىمدارعا «العىس حاتتار» تابىستالدى. «مەنىڭ الەمىم» وقىرماندار كلۋبىنا پارتيادان  «العىس حات» پەن قوسا رۋحاني قازىنا سانالعان قۇندى كىتاپ تارتۋ ەتىلدى. ادىلقازى القاسىنداعىلارعا دا «العىس حات» تابىستالىپ، مۇنداي ادەبي-مادەني شارانىڭ وتۋىنە جاۋاپكەرشىلىكپەن سەپتىك ەتكەن اتالعان كلۋب جەتەكشىسى  اقجول قادىلبەكۇلىنا وڭىرلىك پارتيا توراعاسى سماعۇلوۆ قايرات قاناتۇلى اتىنان ارنايى «العىس» ءبىلدىرىلدى.

بۇل ءىس-شارا، جاستاردىڭ ادەبي تالعامىن ارتتىرىپ، قازاق ءسوز ونەرىنە دەگەن سۇيىسپەنشىلىگىن ارتتىرعان رۋحاني ماڭىزى زور دۇنيە.

«اۋىل» پارتياسى اباي وبلىسى بويىنشا وڭىرلىك فيليالىنىڭ ءباسپاسوز قىزمەتى

Abai.kz