26 قاراشادا گونكونگتە بىرنەشە كوپ قاباتتى تۇرعىن ۇيدە بولعان ءىرى ورتتەن 55 ادام قازا بولىپ، 270-تەن استام ادام ءىز-ءتۇزسىز جوعالدى. South China Morning Post (SCMP) باسىلىمىنىڭ جازۋىنشا، 68 ادام اۋرۋحانادا جاتىر، 16-سىنىڭ جاعدايى اۋىر.

قۇتقارۋ جۇمىستارى ءالى جالعاسىپ جاتىر. عيماراتتان ادامدار مەن ءۇي جانۋارلارى ەۆاكۋاتسيالانعان.

بۇگىن تاڭەرتەڭ جەتى عيماراتتىڭ تورتەۋىندەگى ءورت وشىرىلگەن. تاعى ۇشەۋىندە ءورت جالعاسىپ جاتىر.

South China Morning Post (SCMP) باسىلىمىنىڭ جازۋىنشا، كەشەندەگى سەگىز تۇرعىن ءۇي بلوگىنا قايتا جوندەۋ جۇمىستارى 2024 جىلدىڭ شىلدەسىنەن بەرى جۇرگىزىلىپ كەلگەن، جوندەۋ جۇمىستارى كەزىندە بامبۋك پايدالانىلعان.

پوليتسيا ءۇش كۇدىكتىنى ۇستادى. ولاردىڭ اراسىندا جوندەۋ جۇمىستارىنا جاۋاپتى ەكى قۇرىلىس كومپانياسىنىڭ باسشىلارى بار. "قاساقانا ەمەس ادام ءولتىرۋ" بابى بويىنشا ايىپ تاعىلدى.

قالا مەرى دجون لي ءورتتى "وتە ءىرى اپات" دەدى. 7 جەلتوقساندا ءوتۋى ءتيىس بولعان سايلاۋ كەيىنگە شەگەرىلۋى مۇمكىن.

الدىن الا تەرگەۋ ناتيجەسى بويىنشا، پوليتسيا قىزمەتكەرلەرى ءورت الاڭىنان تەز جانىپ كەتەتىن پەنوپوليستيرولدى تاپقان. ونىمەن ءاربىر قاباتتاعى ليفتىلەردىڭ تەرەزەلەرى جابىلعان. سونىڭ سالدارىنان ءورت تەز تارالعان بولۋى مۇمكىن.

وقيعا ورنىندا 26 ءورت-قۇتقارۋ توبى ىستەپ جاتقانى حابارلاندى.

27 قاراشادا قازاقستان پرەزيدەنتى قاسىم-جومارت توقاەۆ قىتاي باسشىسى سي تسزينپين مەن قىتاي حالقىنا كوڭىل ايتىپ، جەدەلحات جولدادى دەپ حابارلادى اقوردا.

Abai.kz