قازاقستاندا مەكتەپ وقۋشىلارىنا ارنالعان رەپەتيتورلىق ساباقتار دا، ەرەسەكتەرگە ارنالعان كاسىبي كۋرستار دا ايتارلىقتاي قىمباتتاپ كەلەدى. سوڭعى 10 جىلدا بالالارعا ارنالعان قوسىمشا ءبىلىم بەرۋ قۇنى ەكى ەسەگە ءوستى، ال تانىمال IT-داعدىلار ەلەۋلى قارجىلىق سالىمدى تالاپ ەتەدى. Freedom Life وسك ماماندارى زەرتتەۋ جۇرگىزىپ، قازاقستاندىقتاردىڭ بىلىمگە قانشا قارجى جۇمسايتىنىن جانە وتباسىلىق بيۋدجەتكە سالماق تۇسىرمەي بىلىمگە قالاي ينۆەستيتسيا جاساۋعا بولاتىنىن انىقتادى.

قازاقستاندا ەرەسەكتەرگە ارنالعان كاسىبي كۋرستار نارىعى قارقىندى دامىپ كەلەدى. ءىرى قالالاردا وقۋ وڭىرلەرگە قاراعاندا الدەقايدا قىمبات. الماتى مەن استانادا كۋرستاردىڭ ءبىر اكادەميالىق ساعاتىنىڭ ورتاشا قۇنى بىرنەشە مىڭ تەڭگەمەن ولشەنەدى، ال وبلىستاردا باعالار ءسال تومەن. باعا باعىتقا دا بايلانىستى: ەڭ قىمبات كۋرستار — IT, digital جانە PR سالالارى. باعدارلامالاۋ، اناليتيكا نەمەسە SMM بويىنشا وقۋ جوعارى سۇرانىسقا بايلانىستى قىمباتىراق تۇرادى. ورتا ەسەپپەن ايىنا 8–12 ساباق وتەدى، ال ءبىر كۋرس قالاسىنا جانە باعىتىنا بايلانىستى 25 000 تەڭگەدەن 100 000 تەڭگەگە دەيىن تۇرۋى مۇمكىن.

2025 جىلعى مامانداندىرىلعان كۋرستاردىڭ ورتاشا قۇنى

دەرەكتەر: اشىق كوزدەردەن /ورىندالدى: Freedom Life وسك.

قازاقستانداعى ورتاشا جالاقى 2025 جىلى شامامەن 429 000 تەڭگەنى قۇرايدى. ال مەديانالىق جالاقى (جۇمىسشىلاردىڭ جارتىسىندا بۇدان تومەن) — شامامەن 290 000 تەڭگە. ايىنا 30 000–50 000 تەڭگە تۇراتىن كۋرستار قازاقستاندىقتىڭ تابىسىنىڭ شامامەن 10–15%-ىن قۇرايدى، اسىرەسە ەكى نەمەسە ودان دا كوپ باعىتتا وقىعان جاعدايدا.

وقۋشىلارعا ارنالعان قوسىمشا ءبىلىمنىڭ قۇنى قالاي وزگەردى

وقۋشىلارعا ارنالعان رەپەتيتورلىق ساباقتار مەن دايىندىق كۋرستارى دا قىمباتتادى. ورتا ەسەپپەن، 2025 جىلى رەپەتيتورمەن ءبىر ساباقتىڭ قۇنى ون جىل بۇرىنعىعا قاراعاندا 1,5–2 ەسە جوعارى. بۇعان نەگىزگى سەبەپتەر — ينفلياتسيا، جوعارى سۇرانىس جانە كەيبىر وڭىرلەردە بىلىكتى پەداگوگتاردىڭ تاپشىلىعى.

قازاقستانداعى ءبىر ساعاتتىق ساباقتىڭ ورتاشا قۇنى

دەرەكتەر: اشىق كوزدەردەن /ورىندالدى: Freedom Life وسك.

ەمتيحاندارعا دايىندىق، قوسىمشا ساباقتار مەن كۋرستار تۇراقتى قارجىلىق شىعىنداردى تالاپ ەتەدى. الايدا وتباسىلىق بيۋدجەتكە ەڭ ۇلكەن سالماق تۇسىرەتىن شىعىن — بۇل جوعارى جانە ورتا ارناۋلى ءبىلىمنىڭ اقىسىن تولەۋ.

وقۋ ميلليونداپ تۇرعاندا: بىلىمگە قالاي جيناۋعا بولادى

2025–2026 وقۋ جىلىندا قازاقستانداعى جوعارى وقۋ ورىندارىنداعى وقۋ اقىسىنىڭ ورتاشا جىلدىق مولشەرى شامامەن 600 000–800 000 تەڭگەنى قۇرايدى. بۇل سوما وقۋ ورنىنا بايلانىستى ەداۋىر وزگەرىپ وتىرادى. كەيبىر جاعدايلاردا ءبىر جىلدىق وقۋ اقىسى 8,7 ملن تەڭگەگە دەيىن جەتۋى مۇمكىن. مامانداندىرۋ باعىتتارى بويىنشا دا ايىرماشىلىق بار: ەڭ قىمبات باعىتتار — مەديتسينالىق جانە حالىقارالىق ماماندىقتار، ال ەڭ قولجەتىمدىلەرى — پەداگوگيكالىق، مەيىربيكە ءىسى، گۋمانيتارلىق جانە جاراتىلىستانۋ باعىتتارى.

وسىنداي شىعىندارعا وتباسىلاردى الدىن الا دايىنداۋ ماقساتىندا 2025 جىلى «كەلەشەك» مەملەكەتتىك جوباسى ىسكە قوسىلدى. وسى جوبا اياسىندا قازاقستاننىڭ ءومىردى ساقتاندىرۋ كومپانيالارى (وسك) بالالاردىڭ وقۋىنا الدىن الا قاراجات جيناۋعا مۇمكىندىك بەرەتىن ارنايى جيناقتاۋشى ءومىر ساقتاندىرۋ باعدارلامالارىن ۇسىندى.

وسى باعدارلامالاردىڭ ءبىرى — Freedom Keleshek. ونىڭ شارتتارىنا سايكەس، مەملەكەت اتا-انانىڭ ءوز جيناقتارىنا قوسىمشا رەتىندە 60 اەك مولشەرىندە باستاپقى كاپيتال اۋدارادى (2025 جىلى بۇل سوما 235 920 تەڭگەنى قۇرادى). سونىمەن قاتار، جىل سايىن مەملەكەتتەن 5% سىيلىقاقى جانە ساقتاندىرۋ كومپانياسىنان 8% تابىس ەسەپتەلەدى. وسك-مەن جاسالعان شارتتىڭ ارەكەت ەتۋ كەزەڭىندە جيناقتار قورعالعان: باعدارلاما اتا-انانىڭ ءومىرىن ساقتاندىرۋ رەتىندە راسىمدەلەدى جانە اتا-انا قايتىس بولعان نەمەسە مۇگەدەكتىك بەلگىلەنگەن جاعدايدا تولەم قاراستىرىلادى.

وسىلايشا، باعدارلاما جيناقتاۋ مادەنيەتىن قالىپتاستىرادى جانە بالانىڭ كوللەدجگە نەمەسە جوعارى وقۋ ورنىنا ءتۇسۋ كەزەڭىندە كۇتپەگەن قارجىلىق اۋىرتپالىقتاردى بولدىرماۋعا كومەكتەسەدى.

Abai.kz