2026 جىلدىڭ 1 قاڭتارىنان باستاپ، كەلەسى شارتتارعا ساي كەلەتىن قازاقستان رەسپۋبليكاسىندا تۇراتىن جەكە كاسىپكەرلەر مەن زاڭدى تۇلعالار وڭايلاتىلعان دەكلاراتسيا نەگىزىندە ارناۋلى سالىق رەجيمىن قولدانا الادى:

1) ولاردىڭ كۇنتىزبەلىك جىلداعى ەڭ جوعارى تابىسى ءتيىستى قارجى جىلىنىڭ 1 قاڭتارىنداعى جاعداي بويىنشا قولدانىستاعى ايلىق ەسەپتىك كورسەتكىشتىڭ 600 000 ەسەلەنگەن مولشەرىنەن اسپايدى;

2) ولار قازاقستان رەسپۋبليكاسىنىڭ ۇكىمەتى بەلگىلەگەن وڭايلاتىلعان دەكلاراتسيا نەگىزىندە ارناۋلى سالىق رەجيمىن قولدانۋعا تىيىم سالىنعان قىزمەت تۇرلەرىنىڭ تىزبەسىنە كىرمەيتىن قىزمەت تۇرلەرىمەن اينالىسادى.

وڭايلاتىلعان دەكلاراتسيا نەگىزىندە ارناۋلى سالىق رەجيمىن قولدانعان كەزدە كوزدەن ۇستالاتىن سالىقتاردى قوسپاعاندا، كورپوراتيۆتىك نەمەسە جەكە تابىس سالىعى ەسەپتى سالىق كەزەڭى ءۇشىن سالىق سالىناتىن وبەكتىگە 4 پايىزدىق مولشەرلەمەنى قولدانۋ ارقىلى ەسەپتەلەدى.

جەرگىلىكتى وكىلدى ورگاندار سالىق تولەۋشىنىڭ قىزمەت تۇرىنە جانە ورنالاسقان جەرىنە بايلانىستى بەلگىلەنگەن مولشەرلەمەنى 50 پايىزدان اسپايتىن مولشەرلەمەمەن ازايتۋعا نەمەسە ارتتىرۋعا قۇقىلى.

وڭايلاتىلعان دەكلاراتسيا نەگىزىندە ارناۋلى سالىق رەجيمىنە جاتاتىن تاۋارلاردى، جۇمىستاردى، كورسەتىلەتىن قىزمەتتەردى وتكىزۋ جونىندەگى اينالىمدار قوسىلعان قۇن سالىعى  سالىنبايتىن اينالىم بولىپ تابىلادى

جالپى سالىق سالۋ جۇيەسىن قولداناتىن سالىق تولەۋشىلەر ءۇشىن وڭايلاتىلعان دەكلاراتسيا نەگىزىندە ارناۋلى سالىق رەجيمىن قولداناتىن سۋبەكتىلەردەن تاۋارلاردى، جۇمىستاردى جانە قىزمەتتەردى ساتىپ الۋعا جۇمسالعان شىعىندار مۇنداي تاۋارلاردى، جۇمىستاردى جانە قىزمەتتەردى العان كۇنى شەگەرىمگە جاتپايدى.

وڭايلاتىلعان دەكلاراتسيا نەگىزىندە ارناۋلى سالىق رەجيمىن قولدانۋ ءۇشىن سالىقتىق جانە ەسەپتى كەزەڭ جارتىجىلدىق بولىپ تابىلادى.

وڭايلاتىلعان دەكلاراتسيا سالىق تولەۋشىنىڭ تۇرعان جەرىندەگى سالىق ورگانىنا ەسەپتى سالىقتىق كەزەڭنەن كەيىنگى ەكىنشى ايدىڭ 15-ىنەن كەشىكتىرىلمەي ۇسىنىلادى.

وڭايلاتىلعان دەكلاراتسيادا كورسەتىلگەن سالىقتاردى بيۋدجەتكە تولەۋ جەكە (كورپوراتيۆتىك) تابىس سالىعى تۇرiندە ەسەپتى سالىقتىق كەزەڭنەن كەيiنگi ەكىنشى ايدىڭ 25-ىنەن كەشىكتىرىلمەي جۇرگiزiلەدى.

ابديرايموۆا ارايلىم ابديحالىكوۆنا

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ باس مامانى

Abai.kz