ءبىز قازىرگى كۇنىمىزدە مۇناي، گاز، شەكارا جونىندە تاقىرىپتاردا سوعىس تىلىندە سويلەي باستادىق. بۇل ورايدا سۋ ۇزاق ۋاقىت بويى نازاردان تىس قالعان تابيعي رەسۋرس سانالىپ كەلدى. دەگەنمەن، ءدال وسى سۋ تاقىرىبى بۇگىندە وڭىرلىك تۇراقسىزدىقتىڭ ەڭ تومەن باعالانعان فاكتورلارىنىڭ بىرىنە اينالىپ وتىر.

بۇل رەتتە اڭگىمە تەك تاپشىلىق تۋرالى عانا ەمەس، سونىمەن قاتار، ءوڭىردىڭ ءىرى وزەن جۇيەلەرىنىڭ سۋى - جەر وركەنيەتى وسكەن سول ارتەريالاردىڭ ساپاسى تۋرالى دا بولىپ وتىر. ولار ءجيى لاستانعان، سارقىلعان نەمەسە ساياسي قىسىم قۇرالىنا اينالا باستادى.

ورتالىق ازيادا قازاقستان، وزبەكستان جانە تۇركىمەنستان سۋعا قاتىستى قىتاي، رەسەي، قىرعىزستان مەن تاجىكستاننىڭ قولىنا قاراي باستادى. كاسپيگە قاتىستى يران، ازەربايجان، تۇركىمەنستان جانە قازاقستان رەسەيدىڭ قولبالاسى بولۋدىڭ از-اق الدىندا تۇر. تۇركىمەنستان مەن ازەربايجان يراندىق سۋ كوزدەرىنە باستارى بايلاۋلى. تاپ وسىنداي جاعدايعا ءسۇريا مەن يراك تا ۇشىراپ وتىر. ولاردىڭ تۇركياعا تاۋەلدىلىگى ارتۋدا. ال ەپيوفيا سۋعا قاتىستى مىسىردىڭ ادىمىن اشىتىرماي وتىر.

الەمدىك دەموگرافيانىڭ تال بەسىگىنە اينالعان افريكا مەن ازيانى سۋ قىرعىنىنىڭ ەلەسى كەزىپ ءجۇر.

Abai.kz