پولشا پرەمەر-ءمينيسترى دونالد تۋسك 2026 جىلى پولشا ەۋروپاداعى ەڭ قۋاتتى ارميا قۇرۋدى تەزدەتەتىنىن مالىمدەدى، دەپ حابارلايدى انادولى.

پولشا مەملەكەتتىك TVP تەلەارناسى تۋسكتىڭ 2026 جىلعا ارنالعان بولجامىمەن ءبولىستى.

پرەمەر-ءمينيستردىڭ ايتۋىنشا، بۇل جىل پولشا ءۇشىن دامۋ قارقىنىن جەدەلدەتۋ جىلى بولادى.

— ۇكىمەت اسكەري كونتينگەنتتى كەڭەيتۋ، ءىرى ينفراقۇرىلىمدىق جوبالاردى جۇزەگە اسىرۋ جانە ونەركاسىپتى قالپىنا كەلتىرۋ، ونىڭ ىشىندە قورعانىس سالاسىن دامىتۋ بويىنشا جۇمىستاردى جالعاستىرادى، — دەپ اتاپ ءوتتى ول.

تۋسك مالىمدەمەسىندە مەملەكەتتىك ساتىپ الۋلار سالاسىندا «پولشا — بارىنەن بۇرىن» ءپرينتسيپى قولدانىلاتىنىن دا ايتتى.

— ءبىز ەۋروپاداعى ەڭ كۇشتى ارميانى قۇرۋدى تەزدەتەمىز. ءبىز ينفراقۇرىلىمعا ءىرى ينۆەستيتسيالاردى جەدەلدەتە الامىز، — دەپ قوستى پرەمەر-مينيستر.

پرەمەر-مينيستر 2026 جىلى قىلمىسپەن كۇرەستى قاتاڭداتۋدى جوسپارلاپ، پولشا قالاي بولعاندا دا «قاۋىپسىزدىك ءوازيسى» بولىپ قالا بەرەدى دەگەن سەنىمىن ءبىلدىردى.

سونداي-اق، تۋسك 2025 جىلى پولشا ەكونوميكالىق ءوسىمدى جىلدامداتىپ، ءىرى ينۆەستيتسيالار باستالعانىن ايتىپ، 2026 جىل ەل ءۇشىن وڭتايلى جانە تابىستى بولاتىنىنا ءۇمىت ءبىلدىردى.

Abai.kz