2026 جىلدىڭ 1 قاڭتارىنان باستاپ شارۋا نەمەسە فەرمەر قوجالىقتارىنا ارنالعان ارناۋلى سالىق رەجيمiن قازاقستان رەسپۋبليكاسىنىڭ اۋماعىندا جەكە مەنشىك جانە (نەمەسە) جەردى پايدالانۋ (كەيىنگى جەر پايدالانۋ قۇقىعىن قوسا العاندا) قۇقىعىندا جەر ۋچاسكەلەرى بولعان كەزدە شارۋا نەمەسە فەرمەر قوجالىقتارى قولدانۋعا قۇقىلى.شارۋا نەمەسە فەرمەر قوجالىقتارىنا ارنالعان ارناۋلى سالىق رەجيمى شارۋا نەمەسە فەرمەر قوجالىعىنىڭ قىزمەتىنەن تۇسەتىن كىرىستەردەن جەكە تابىس سالىعىن (تولەم كوزىنەن ۇستالاتىن سالىقتاردى قوسپاعاندا) ەسەپتەۋدىڭ ايرىقشا ءتارتىبىن كوزدەيدى جانە اكتسيزدەلەتىن تاۋارلاردى ءوندىرۋ، قايتا وڭدەۋ جانە وتكىزۋ جونىندەگى قىزمەتتى قوسپاعاندا، شارۋا نەمەسە فەرمەر قوجالىقتارىنىڭ اۋىل شارۋاشىلىعى ءونىمىن ءوندىرۋ جانە ونى وتكىزۋ، ءوزى وندىرگەن اۋىل شارۋاشىلىعى ءونىمىن قايتا وڭدەۋ، وسىنداي قايتا وڭدەۋ ونىمدەرىن وتكىزۋ جونىندەگى قىزمەتىنە قولدانىلادى.

ارناۋلى سالىق رەجيمىن قولدانۋ ءۇشىن سالىقتىق جانە ەسەپتى كەزەڭ كۇنتىزبەلىك جىل بولىپ تابىلادى.

شارۋا نەمەسە فەرمەر قوجالىقتارىنا ارنالعان ارناۋلى سالىق رەجيمىن تاڭداۋ كەزىندە سالىق تولەۋشىلەر مۇنداي سالىق رەجيمىن ونى قولدانۋ شارتتارىنا سايكەس كەلگەن كەزدە كەمىندە كۇنتىزبەلىك ءبىر جىل مەرزىم بويى قولدانادى.

تولەم كوزiنەن ۇستالاتىن سالىقتاردى قوسپاعاندا، جەكە تابىس سالىعىن ەسەپتەۋدi ەسەپتى سالىقتىق كەزەڭ ءۇشىن سالىق سالۋ وبەكتىسىنە 0,5 پايىز مولشەرىندەگى مولشەرلەمەنى قولدانۋ ارقىلى سالىق تولەۋشى دەربەس جۇرگىزەدى.

شارۋا نەمەسە فەرمەر قوجالىقتارىنا ارنالعان ارناۋلى سالىق رەجيمىن قولداناتىن سالىق تولەۋشىلەر وسى قىزمەتىندە پايدالانىلاتىن وبەكتىلەر بويىنشا  سالىق مەن بيۋدجەتكە تولەنەتىن تولەمدەردىڭ كەلەسى تۇرلەرىنەن تولەۋشىلەرى بولىپ تابىلمايدى:

1) قازاقستان رەسپۋبليكاسىنىڭ زاڭناماسىن بۇزا وتىرىپ پايدالانىلاتىن جەر ۋچاسكەلەرىن قوسپاعاندا، جەر ۋچاسكەلەرى بويىنشا جەر سالىعىن جانە (نەمەسە) جەر ۋچاسكەلەرىن پايدالانعانى ءۇشىن تولەماقىسى;

2)  كولiك قۇرالدارى سالىعىن;

3)  مۇلiك سالىعىن;

4) وسى ارناۋلى سالىق رەجيمى قولدانىلاتىن شارۋا نەمەسە فەرمەر قوجالىعىنىڭ قىزمەتى بويىنشا – الەۋمەتتىك سالىقتى;

5) وسى ارناۋلى سالىق رەجيمى قولدانىلاتىن شارۋا نەمەسە فەرمەر قوجالىعىنىڭ قىزمەتى بويىنشا – قورشاعان ورتاعا تەرىس اسەر ەتكەنى ءۇشىن تولەماقىنى;

6) قوسىلعان قۇن سالىعىن (يمپورتتالاتىن تاۋارلارعا قوسىلعان قۇن سالىعىن جانە بەيرەزيدەنت ءۇشىن قوسىلعان قۇن سالىعىن قوسپاعاندا) تولەۋشiلەر بولىپ تابىلمايدى.

شارۋا نەمەسە فەرمەر قوجالىقتارىنا ارنالعان ارناۋلى سالىق رەجيمىن قولداناتىن سالىق تولەۋشىلەر ءۇشىن دەكلاراتسيا جەر ۋچاسكەسى تۇرعان جەردەگى ءتيىستى سالىق ورگاندارىنا ەسەپتى سالىقتىق كەزەڭنەن كەيىنگى سالىقتىق كەزەڭنىڭ 31 ناۋرىزىنان كەشىكتىرىلمەي ۇسىنىلادى.

ابديرايموۆا ارايلىم ابديحالىكوۆنا،

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ باس مامانى

Abai.kz