پاۆلودار كارديوورتالىعىندا العاش رەت مۋلتيورگاندىق دونورلىق وپەراتسيا جاسالدى. قايتىس بولعان دونوردان بىرنەشە اعزا الىندى.

39 جاستاعى ناۋقاس گەمورراگيالىق ينسۋلت دياگنوزىمەن ورتالىققا تۇسكەن. وكىنىشكە قاراي، جاعدايى اۋىر بولىپ، كوماعا ءتۇستى. كەيىن دارىگەرلەر كونسيليۋم ارقىلى مي ءولىمىن راستادى. ناۋقاستىڭ وتباسى باتىل شەشىم قابىلداپ، اعزالارىن دونورلىققا بەرۋگە كەلىسىمىن ءبىلدىردى. بۇل وزگە ادامداردىڭ ءومىرىن ساقتاپ قالۋعا مۇمكىندىك بەردى.

اعزالاردى الۋ جۇمىسىنا ۇلتتىق عىلىمي ونكولوگيا ورتالىعى مەن «UMC» كورپوراتيۆتىك قورىنىڭ ترانسپلانتولوگ دارىگەرلەرى قاتىستى. ناتيجەسىندە جۇرەك، باۋىر، ەكى بۇيرەك جانە كوزدىڭ قاساڭ قابىعى ءساتتى الىنىپ، ترانسپلانتاتسيالاندى.

دونور وتباسىنىڭ شەشىمى مەن مەديتسينا ماماندارىنىڭ ۇيلەسىمدى ەڭبەگىنىڭ ارقاسىندا «كۇتۋ پاراعىنداعى» ناۋقاستارعا ءومىر سىيلاۋ مۇمكىن بولدى. الىنعان اعزالار جەدەل تۇردە بىرىڭعاي رەسپۋبليكالىق دونورلار مەن رەتسيپيەنتتەر رەگيسترىندەگى پاتسيەنتتەرگە جەتكىزىلدى.

بۇگىنگى كۇنى بارلىق اعزالار كۇتۋ پاراعىنداعى ناۋقاستارعا ترانسپلانتاتسيالاندى. ونىڭ ىشىندە ءبىر بۇيرەك بالاعا سالىندى، بۇل ەرەكشە ماڭىزدى.

ناۋقاستىڭ وتباسىنا ولاردىڭ باتىل شەشىمى ءۇشىن شەكسىز العىسىمىزدى بىلدىرەمىز. جاقىندارىنىڭ وسى قادامى بىرنەشە ادامنىڭ ءومىرىن ساقتاپ قالۋعا مۇمكىندىك بەردى. وسىنداي شەشىمدەردىڭ ارقاسىندا ءبىز ۇمىتكە مۇقتاج جاندارعا جاڭا ءومىر سىيلاي الامىز.

Abai.kz