جەتىسۋ وبلىسىندا قازاقتىڭ اقيىق اقىنى مۇقاعالي ماقاتاەۆتىڭ 95 جىلدىعىنا ارنالعان پوەزيالىق كەش، تاقىرىپتىق ەكسكۋرسيا، دوڭگەلەك ۇستەل،  جەرگىلىكتى اقىن-جازۋشىلارمەن كەزدەسۋ سياقتى بىرقاتار مادەني شارالار ۇيىمداستىرىلۋدا. سونىڭ ىشىندە اقىن ولەڭدەرىنە جازىلعان اندەردەن «ەسىڭە مەنى العايسىڭ» وبلىستىق انشىلەر بايقاۋى وتكىزىلىپ، ب. ريموۆا اتىنداعى اكادەميالىق دراما تەاترىنىڭ «مۇقاعالي» مونوسپەكتاكلى قويىلدى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

سۋرەت: gov.kz سايتىنان الىندى.

تالدىقورعانداعى دانەش راقىشەۆ اتىنداعى وبلىستىق فيلارمونيادا وتكەن انشىلەر بايقاۋىنا جەتىسۋدىڭ اۋدان-قالالارىنان 16-35 جاس ارالىعىنداعى 29 ءانشى ەكى نوميناتسيا، اتاپ ايتقاندا، ءداستۇرلى ءان جانە ەسترادالىق ءان بويىنشا سايىسقا ءتۇستى.

- اقىننىڭ سان الۋان تاقىرىپتاعى ولەڭدەرىنە ءان جازعان كومپوزيتورلار سانىندا ەسەپ جوق. سول اندەر بۇگىندە ەل يگىلىگىنە اينالىپ، ۇرپاقتان-ۇرپاققا جالعاسىپ كەلەدى. بايقاۋدى وتكىزۋدە مۇقاعالي ماقاتاەۆتىڭ ولەڭدەرىنە جازىلعان اندەر مەن جاڭا ورىنداۋشىلاردى انىقتاپ، جاستار اراسىندا ونەرگە دەگەن قۇشتارلىقتى ارتتىرۋدى، اقىن مۇراسىن كەڭىنەن ناسيحاتتاۋدى ماقسات ەتىپ وتىرمىز، - دەدى وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى قۋانىش سۇلەيمەنوۆ.

سۋرەت: gov.kz سايتىنان الىندى.

بۇل رەتتە بايقاۋدىڭ ىرىكتەۋ كەزەڭىنە وڭىردەگى رۋحانيات سالاسىندا قاجىرلى ەڭبەك ەتىپ جۇرگەن ازاماتتار قازىلىق ەتتى. بايقاۋ بۇدان ءارى جۇلدەگەرلەردى ماراپاتتاۋ مەن گالا كونتسەرتپەن جالعاسادى.

اقىننىڭ تۋعان كۇنىنە ورايلاستىرىلعان مادەني شارانىڭ ءبىرى – «مۇقاعالي» مونوسپەكتاكلى. قويىلىمنىڭ باستى كەيىپكەرىن قويۋشى رەجيسسەرى، اكتەر، قر ەڭبەك سىڭىرگەن قايراتكەرى سافۋان رىسبايۇلى سومدادى. سپەكتاكل ەكسپەريمەنتتىك جوبا رەتىندە ب. ريموۆا اتىنداعى اكادەميالىق دراما تەاترىنىڭ فويەسىندە قويىلدى.

سۋرەت: gov.kz سايتىنان الىندى.

سپەكتاكل رەجيسسەرلەرىنىڭ ءبىرى ۇلان احمەتوۆتىڭ ايتۋىنشا، مونوسپەكتاكل اقىننىڭ جان ايقايىن، ماحاببات پەن مۇڭعا تولى الەمىن، ءومىر مەن ۋاقىت جايلى تەرەڭ تولعانىسىن پوەزيا تىلىمەن ورنەكتەيدى. قويلىمنىڭ ۇزاقتىعى - 45 مينۋت، ول اقىننىڭ ءومىرى مەن شىعارماشىلىعىن تانىتاتىن بەس كەزەڭگە بولىنگەن.

سۋرەت: gov.kz سايتىنان الىندى.

اتاپ وتسەك، قويىلىم رەجيسسەرلەرى – ۇلان احمەتوۆ، سافۋان رىسبايۇلى، كومپوزيتورى – تۇرسىنجان شاپاي. اقىن رولىندە: سافۋان رىسبايۇلى، سول سياقتى رولدەردە دارحان دۇيسەنوۆ، كۇنەكەي مۇحتارحان، اريزا اسقاروۆا، قاراقات شىنداۋلەت، اسەم مۇراتوۆا وينادى.

Abai.kz