قازاقستاننىڭ ۇلتتىق قاۋىپسىزدىك كوميتەتى ازىلكەش نۇرلان سابۋروۆقا قاتىستى تەكسەرىس باستادى، دەپ حابارلايدى ەلىمىزدىڭ اقپاراتتىق جەلىلەرى. ول حاباردى كوميتەتتىڭ ءباسپاسوز قىزمەتى راستادى. ۇقك سابۋروۆ تۋرالى سۇراقتارعا «اقپارات نازارعا الىندى، تەكسەرۋ شارالارى جۇرگىزىلىپ جاتىر»، - دەپ جاۋاپ بەردى.

وسىدان ءبىراز ۋاقىت بۇرىن، ماسكەۋگە دۋبايدان ۇشىپ كەلگەن ن.سابۋروۆتى رف ۇكىمەتى ماسكەۋ اۋەجايىنان شىعارماي، كەرى دەپورتاتسيا جاساۋعا ارەكەتتەندى. بىراق قر ازاماتى بولىپ سانالاتىن ن.سابۋروۆ ءوز ەركىمەن قازاقستانعا ۇشىپ كەلگەن ەدى.

ءبىر كەزدەرى، رەسەيدە ونىڭ اتى شىعا باستاعالى ونىڭ كەي كوميكستەرى قازاقتارعا ۇنامايتىنى راس. سوندىقتان، نۇرلاننىڭ ماسكەۋ تۇبىندە تۇراتىن وتباسىن قالدىرىپ، سوقا باسىنىڭ ەلگە ورالۋىن كوپشىلىك اسا ۇناتا قويمادى، كەيبىرەۋلەرى ءۇنسىز قالدى، از عانا توپ ونى جاقتاپ شىقتى.

بىرنەشە كۇننەن كەيىن قر ازاماتى مارات تۇرىمبەتوۆ نۇرلان سابۋروۆتىڭ «ءارحيۆىن» قوپارىپ، ول جەردەن ن.سابۋروۆتىڭ رەسەيدە جۇرگەندە قر قىلمىستىق كودەكسىنىڭ 170-بابىنا ساي قىلمىسقا بارعانى تۋرالى ارىزدى پروكۋراتۋراعا جولدادى. ول باپتىڭ مازمۇنى مىناداي:: («جالدامالىلىق») سوعىسقا، قارۋلى قاقتىعىستارعا قاتىستىرۋ نەمەسە بيلىكتى قۇلاتۋعا، ەلدىڭ اۋماقتىق تۇتاستىعىن بۇزۋعا باعىتتالعان ارەكەتتەر ءۇشىن ادامداردى جالداۋ (ۆەربوۆكا), وقىتۋ، قارجىلاندىرۋ نەمەسە پايدالانۋدى بىلدىرەدى. بۇل ءۇشىن 7 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعان.

سويتسەك، نۇرلان سابۋروۆ «رەسەيگە ريزامىن» دەي وتىرىپ، بۇعان دەيىن : رەسەيدىڭ «ۆاگنەر» بولىمشەسىنە 10 موتوتسيكل تابىستاعانى بەينەلەنگەن ۆيدەو تاراعان ەكەن. وسىعان بايلانىستى بەلسەندى م.تۇرىمبەتوۆ باس پروكۋراتۋراعا كوميكتىڭ ارەكەتتەرىنە قۇقىقتىق باعا بەرۋدى تالاپ ەتتى.

ايتا كەتەيىك، رەسەي قازاقستاندىق تانىمال ازىلكەش نۇرلان سابىروۆتى رەسەيدىڭ ۋكرايناداعى اسو (سۆو) ارەكەتىن سىناعانى ءۇشىن، «ميگراتسيا جانە سالىق ەرەجەسىن بۇزدى» دەگەن جەلەۋمەن وعان رەسەيگە 50 جىلعا كىرۋگە تىيىم سالىنعانى بەلگىلى. دەگەنمەن، «سالىق ەرەجەسىن بۇزۋعا» عانا «ەلۋ جىل» تاعايىنداعان رف شەشىمىن ءتۇسىنۋ قيىن. ءسىرا، سوعان قاراعاندا رف تىڭشىلارىنىڭ قۇلاعىنا الدە دۋبايدا، الدە باسقا جەردە نۇرلاننىڭ سۆو تۋرالى جاعىمسىز ايتقان سوزدەرى جەتكەن بولسا كەرەك...

ەندى، مىنە، قازاقستانعا كەلسە ‑ مۇندا دا ونىڭ الدىنان كەلەسى زاڭ شىعا كەلدى... ەگەر، بەينەكورىنىستەگى كورسەتىلىمدەر دالەلدەنىپ جاتسا، وندا ول ەندى قر زاڭىمەن كەلەسى جازاسىن الۋى عاجاپ ەمەس. ءسويتىپ، ازىلكەش جوعارىدا ايتقان باپتار بويىنشا 7 نە 12 جىلدارىن  «مەملەكەت ەسەبىنەن» كۇن كورىپ، تەمىر قاقپانىڭ ار جاعىندا وتكىزۋى ابدەن مۇمكىن...

رەداكتسيادان: جالپى، ازىلكەشتىڭ اتى ازىلكەش قوي، ولاردىڭ ايتقان سوزىنە جۇرت ءمان بەرە بەرمەيدى. الايدا، بۇل جولى ءسوز ەمەس، سوزبەن بىرگە ناقتى موتوتسيكلدەر تۇر. ال، سوعىس جاعدايىندا  ول تەك كولىك ەمەس، سونىمەن بىرگە "قارۋ‑جاراق فۋنكتسياسى» بار مۇلىككە اينالارىن نۇرلان ەسكەرمەگەن بولۋى مۇمكىن – «سۆو كوزدى اشىپ‑جۇمعانشا بىتەدى» دەپ ءجۇرىپ... بىراق، نۇرلاننىڭ سورىنا قاراي، ونى ۋكراين جاۋىنگەرلەرىنىڭ ەرلىگى بولدىرمادى...

Abai.kz