قىرعىزستان ورتالىق سايلاۋ كوميسسياسىنىڭ توراعاسى تىنچتىك شاينازاروۆ رەسپۋبليكالىق رەفەرەندۋمنىڭ جوعارى دەڭگەيدە دايىندالعانىن ايتتى.

«كونستيتۋتسيا - ەلدىڭ تۇراقتىلىعى مەن بەيبىت ءومىرىنىڭ نەگىزى. ونىڭ باستى قاعيداسى - بيلىك حالىقتىڭ قولىندا. سوندىقتان مەملەكەتتىڭ بولاشاعىن حالىق انىقتايدى. بۇل - دەموكراتيالىق قوعامنىڭ نەگىزگى ءپرينتسيپى»، - دەدى شاينازاروۆ.

ول قازاقستاندا رەفەرەندۋمعا دەيىن اۋقىمدى دايىندىق جۇمىستارى جۇرگىزىلگەنىن اتاپ ءوتتى.

حالىقارالىق باقىلاۋشىنىڭ سوزىنشە، داۋىس بەرۋ كۇنى سايلاۋ ۋچاسكەلەرىندە ەرەكشە اتموسفەرا سەزىلىپ، ازاماتتار جوعارى دەڭگەيدە بەلسەندىلىك تانىتقان.

«مەن بارعان ۋچاسكەلەردە ادامداردىڭ كوڭىل-كۇيى كوتەرىڭكى بولدى. سايلاۋشىلار بەلسەندى قاتىسىپ، ەلدىڭ بولاشاعىنا بەيجاي قارامايتىنىن كورسەتتى. ۋچاسكەلەردە مەرەكەلىك كوڭىل-كۇي سەزىلىپ تۇردى»، - دەدى ول.

ءسوز سوڭىندا قىرعىزستان ورتالىق سايلاۋ كوميسسياسىنىڭ توراعاسى قازاقستان حالقىنا رەفەرەندۋمنىڭ وتۋىمەن قۇتتىقتاپ، ەلگە تۇراقتىلىق  تىلەدى.

Abai.kz