قۇجات كولىك سالاسىن تسيفرلاندىرۋ، ۇشقىشسىز تەحنولوگيالاردى ەنگىزۋ، سونداي-اق رۇقسات بەرۋ راسىمدەرى مەن تاۋارعا قاتىستى قۇجاتتاردى ەلەكتروندىق فورماتقا كوشىرۋ باعىتىنداعى بىرلەسكەن جۇمىستى قامتيدى.

سانكت-پەتەربۋرگ قالاسىندا وتكەن حالىقارالىق كولىك-لوگيستيكا فورۋمى اياسىندا قازاقستان مەن رەسەي كولىك سالاسىنداعى ىنتىماقتاستىقتى نىعايتاتىن ماڭىزدى قۇجاتقا قول قويدى.

قازاقستان رەسپۋبليكاسى كولىك مينيسترلىگى مەن رەسەي فەدەراتسياسىنىڭ كولىك مينيسترلىگى ۇشقىشسىز كولىك جانە تسيفرلىق تەحنولوگيالاردى دامىتۋ جونىندەگى مەموراندۋمدى بەكىتتى.

قۇجات كولىك سالاسىن تسيفرلاندىرۋ، ۇشقىشسىز تەحنولوگيالاردى ەنگىزۋ، سونداي-اق رۇقسات بەرۋ راسىمدەرى مەن تاۋارعا قاتىستى قۇجاتتاردى ەلەكتروندىق فورماتقا كوشىرۋ باعىتىنداعى بىرلەسكەن جۇمىستى قامتيدى، - دەپ حابارلادى كولىك مينيسترلىگى.

تاراپتار الداعى ۋاقىتتا تاجىريبە جانە اقپارات الماسۋدى كۇشەيتىپ، بىرلەسكەن ءىس-شارالار وتكىزۋدى، سونداي-اق زاماناۋي تسيفرلىق تەحنولوگيالارمەن جۇمىس ىستەيتىن مامانداردى دايارلاۋدى جوسپارلاپ وتىر.

Abai.kz