قازاقستان اۋىل شارۋاشىلىعى جەرلەرىنىڭ كولەمى بويىنشا الەمدە جەتەكشى ورىنداردىڭ ءبىرىن يەلەنىپ وتىر. بۇۇ ازىق-تۇلىك جانە اۋىلشارۋاشىلىعى ۇيىمى (فاو) دەرەكتەرىن دۇنيەجۇزىلىك بانك نەگىزىندە تالداۋ ناتيجەسىندە ەل شامامەن 6-ورىندا تۇر. قازاقستان بۇل كورسەتكىش بويىنشا قىتاي, اقش، اۆستراليا، برازيليا جانە رەسەيدەن كەيىن كەلەدى.

ايتا كەتۋ كەرەك، بۇل كورسەتكىشكە تەك ەگىستىك جەرلەر عانا ەمەس, سونىمەن قاتار ەلدەگى اۋىل شارۋاشىلىعى القاپتارىنىڭ باسىم بولىگىن قۇرايتىن كەڭ جايىلىمدار دا كىرەدى. بۇل قازاقستاندى ەگىستىك جەرلەرى قارقىندى يگەرىلەتىن ءبىر قاتار اگرارلىق ەلدەردەن ەرەكشەلەندىرەدى.

الەم ەلدەرى اۋىل شارۋاشىلىعى داقىلدارىن وندىرۋدە ءارتۇرلىباعىتتارعا ماماندانعان. ماسەلەن, اقش جۇگەرى وندىرۋدەن كوش باستاپ تۇر, برازيليا سويا مەن قانت قامىسىن وندىرۋدە الدىڭعى قاتاردا, ال اۆستراليا بيداي ەكسپورتتاۋشى ءىرى مەملەكەت رەتىندە تانىمال. قازاقستان ءداستۇرلى تۇردەاستىق داقىلدارىن, اسىرەسە بيداي مەن ارپانى وسىرۋگە باعىتتالعان. الايداسوڭعى جىلدارى ەگىس قۇرىلىمى بىرتىندەپ وزگەرىپ كەلەدى.

ەلدە اۋىل شارۋاشىلىعىن ءارتاراپتاندىرۋ ستراتەگياسى ىسكەاسىرىلۋدا. وسىعان بايلانىستى قازاقستان بيداي ەگىستىگىنىڭ كولەمىن قىسقارتىپ, تابىستىلىعى جوعارى داقىلداردىڭ ۇلەسىن ارتتىرۋدا. اۋىل شارۋاشىلىعى ءمينيسترى ايداربەك ساپاروۆتىڭ ايتۋىنشا, باسىمدىق مايلىجانە مال ازىقتىق داقىلدارعا, سونداي-اق ارپا مەن كارتوپقا بەرىلىپ وتىر.

سوڭعى مالىمەتتەرگە سايكەس, قازاقستانداعى جالپى ەگىس القابى 23,8 ملن گەكتاردى قۇرايدى. بۇل وتكەن جىلمەن سالىستىرعاندا 180 مىڭ گەكتارعاارتىق. ال بيداي ەگىستىگى 125 مىڭ گەكتارعا قىسقارىپ, شامامەن 12,1 ملن گەكتار دەڭگەيىندە قالىپتاسادى. سونىمەن قاتار مايلى جانە مال ازىقتىق داقىلدار مەن ارپا القابى ۇلعايىپ كەلەدى.

مۇنداي وزگەرىستەر اۋىل شارۋاشىلىعىنىڭ تيىمدىلىگىن ارتتىرۋ, كليماتتىق جاعدايلارعا بەيىمدەلۋ جانە الەمدىك استىق باعاسىنىڭ قۇبىلۋىنا تاۋەلدىلىكتى ازايتۋ قاجەتتىلىگىمەن بايلانىستى. تابىستىلىعى جوعارى داقىلدارعا كوشۋ اگروسەكتوردى دامىتۋداعى ماڭىزدى قادام رەتىندە قاراستىرىلۋدا.

Abai.kz