قاسىم-جومارت توقاەۆ ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لامدى پرەزيدەنت بولىپ سايلانۋىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى حابارلادى. 

– سايلاۋداعى جەڭىسىڭىز ەلدى ساياسي-ەكونوميكالىق تۇرعىدان وركەندەتۋگە جانە ۇلتتىق مۇددەنى حالىقارالىق دەڭگەيدە ىلگەرىلەتۋگە باعىتتالعان ماڭىزدى جوسپارلارىڭىزعا ازاماتتاردىڭ سەنىمى جوعارى ەكەنىن كورسەتەدى. ءسىزدىڭ پاراساتتى ساياساتىڭىز بەن قاجىرلى ەڭبەگىڭىزدىڭ ارقاسىندا وتانىڭىز بۇگىنگىدەن دە بيىك بەلەستەرگە جەتە بەرۋىنە تىلەكتەسپىن، – دەپ جازىلعان جەدەلحاتتا.

سونىمەن قاتار مەملەكەت باسشىسى ۆەتنامدى قازاقستاننىڭ ازياداعى ماڭىزدى سەرىكتەستەرىنىڭ ءبىرى رەتىندە اتاپ ءوتىپ، ءوزارا ستراتەگيالىق ارىپتەستىك قوس حالىقتىڭ يگىلىگى ءۇشىن ودان ءارى نىعايا تۇسەتىنىنە سەنىم ءبىلدىردى.

ايتا كەتەلىك قازاقستان مەن ۆەتنام «ورتا ءدالىز» ارقىلى جۇك تاسىمالىن جەدەلدەتپەك.

Abai.kz