دۇنيەجۇزىلىك مەتەوروگيالىق ۇيىمنىڭ مالىمەتى بويىنشا، ورتاشا جاھاندىق تەمپەراتۋرا  يندۋستريالاندىرۋ كەزەڭىنە دەيىنگى دەڭگەيدەن 1,5 گرادۋسقا جوعارىلاعان.

مۇنى توقتاتۋ ءۇشىن 2030 جىلعا قاراي كومىرقىشقىل گازىنىڭ تارالۋىن 45 پايىزعا ازايتۋ قاجەت. ايتپەسە الەمدى قۋاڭشىلىق پەن ءورت جايلاپ، مۇزدىقتاردىڭ ەرۋى مەن سۋ تاسقىنى سياقتى تابيعي اپاتتارعا قاۋقارسىز بولامىز. بۇل ۇدەرىستەر قازىر ۇدەي ءتۇستى.

كليماتتىڭ وزگەرۋىنەن تەك اقش ارمياسىنا 15 ملرد دوللار شىعىن كەلگەن. 2023 جىلى سۇراپىل داۋىلدان ەكى اسكەر بازا قيرادى. سول جىلى نيۋ-يوركتە اسكەري اكادەميا عيماراتىن سۋ باستى. الايدا پرەزيدەنت ترامپتىڭ ەكولوگياعا باس قاتىرعىسى جوق. ول ءتىپتى كليماتتىڭ وزگەرىسىن زەرتتەۋگە باعىتتالعان 100-دەن اسا باعدارلامانى توقتاتىپ، جاھاندىق جىلۋ ءسوزىن قولدانباۋدى بۇيىرعان.

ال، ۇلىبريتانيا كليماتتىڭ وزگەرىسىن قاتاڭ باقىلاۋعا كوشتى. تۇماندى البيون عالىمدارى عالامشاردىڭ “قىزۋىن ولشەيتىن” ارنايى جەر سەرىگىن قۇراستىردى. بۇل قۇرىلىعى كوككە كەلەر جىلى اتتانادى.

زاماناۋي تەحنولوگيا ينفراقىزىل ساۋلەلى كامەرالار نەگىزىندە جۇمىس ىستەيدى. عالىمدار ۇلكەن تەلەسكوپتى شاعىن اپپاراتقا ورناتۋدىڭ جولىن تاپقان. بۇل جوبا شىعىندى ازايتادى جانە بۇرىن تەك اسكەري ماقساتتا قولدانىلسا، ەندى عىلىمي تۇرعىدان زەرتتەۋگە مۇمكىندىك تۋادى.

Abai.kz