بۇعان دەيىن كاسىپكەر قايرات بورانباەۆقا تيەسىلى بولعان Phystech II بۇرىنعى مۇناي كومپانياسى رەسمي تۇردە "قازمۇنايگاز" ۇلتتىق كومپانياسىنىڭ باقىلاۋىنا ءوتتى.

رەسمي مالىمەتكە سايكەس، مامىلە 2026 جىلعى 29 مامىردا راسىمدەلگەن،

Phystech II اق –  ماڭعىستاۋ وبلىسىنداعى سولتۇستىك قاراجانباس كەن ورنىندا كومىرسۋتەكتەردى بارلاۋ جانە ءوندىرۋ قۇقىعىنا يەلىك ەتەتىن ءىرى مۇناي ءوندىرۋشى اكتيۆ.

كومپانيا مەملەكەت مەنشىگىنە 2023 جىلدىڭ قازان ايىندا قايرات بورانباەۆتىڭ اكتيۆتەردى ەرىكتى تۇردە قايتارۋى اياسىندا وتكەن بولاتىن. سول كەزدە ۇكىمەت كاسىپورىندى 35 ميلليارد تەڭگەگە باعالاعان ەدى.

باستاپقىدا Phystech II "سامۇرىق-قازىنا" قورىنىڭ باسقارۋىنا بەرىلدى. كەيىن ۇكىمەت كۋلۋارىندا كومپانيانى جەكە ينۆەستورعا قايتا ساتۋ نۇسقاسى تالقىلاندى. الايدا، قورىتىندىسىندا بيلىك ستراتەگيالىق اكتيۆتى مەملەكەتتىك قۇرىلىمدا قالدىرۋ جانە ونى بەيىندى ەنشىلەس ۇيىم – "قازمۇنايگازعا" بەرۋ تۋرالى شەشىم قابىلدادى.

Abai.kz