24 ماۋسىم, استانا، ءماجىلىس ءۇيى. ءماجىلىس جانىنداعى قوعامدىق پالاتانىڭ جۇمىسى اياقتالدى. قورىتىندى وتىرىستا ءماجىلىس توراعاسى ەرلان قوشانوۆ پالاتا مۇشەلەرىنە زاڭ شىعارۋ قىزمەتىنە بەلسەنە ارالاسىپ, جەمىستى جۇمىس اتقارعانى ءۇشىن العىسىن ءبىلدىردى, ولاردىڭ باستى جەتىستىكتەرىن اتاپ ءوتتى.

Cۋرەت: ج.جۇمابەكوۆ.

ەرلان قوشانوۆ قوعامدىق پالاتا اۋقىمدى ساياسي وزگەرىستەر باستاۋ الىپ, ازاماتتىق قوعامنىڭ ءرولى كۇشەيگەن كەزەڭدە قۇرىلعانىنا توقتالدى.

– سول تۇستا مەملەكەت باسشىسى كوشەلەرمەن الاڭدارداعى پىكىرتالاس پارلامەنت قابىرعاسىنا ءوتۋى كەرەك دەگەن بولاتىن. ءماجىلىسجانىندا قوعامدىق پالاتانىڭ قۇرىلۋى وسىعان جاۋاپ بولدى. بۇگىنگىتاڭدا اتقارىلعان جۇمىس مازمۇندى, قوعام سۇرانىسىنا ساي ءارى ناتيجەلى بولدى دەپ سەنىممەن ايتا الامىز. قوعامدىق پالاتا ەلىمىزدىڭ جاڭا ساياسي جۇيەسىندە لايىقتى ورىندى يەلەندى, – دەدى ءماجىلىس توراعاسى.

Cۋرەت: ج.جۇمابەكوۆ.

سپيكەر قوعامدىق پالاتا ەلىمىزدىڭ دامۋىنداعى وزەكتى ماسەلەلەر بويىنشا سىندارلى پىكىر ايتىلاتىن اشىق الاڭعا اينالعانىنا نازار اۋداردى. بۇل رەتتە, پالاتا مۇشەلەرى تەك باقىلاۋشى عانا ەمەس, زاڭ شىعارۋ پروتسەسىنىڭ تولىققاندى قاتىسۋشىسى بولعانىن ايتتى. ولار زاڭ جوبالارىنا قاتىستى جۇزدەگەن تۇجىرىمدامالىق ۇسىنىس جولداپ, سونىڭ ءبىرازى جۇمىسقا قابىلداندى.

Cۋرەت: ج.جۇمابەكوۆ.

سونىمەن قاتار قوعامدىق پالاتا مۇشەلەرى قوعامداعى ەڭ كۇردەلى ءارى وزەكتى تاقىرىپتاردى تالقىلاۋعا بەلسەندى اتسالىسىپ, مەملەكەتپەن ازاماتتاردىڭ اراسىندا اشىق ديالوگتى قامتاماسىز ەتتى. الماتى تۇرعىندارىمەن مۇلىك يەلەرىنىڭ بىرلەستىگى جانە پاتەر يەلەرىكووپەراتيۆتەرىنىڭ پروبلەمالارى بويىنشا كەزدەسۋلەر وتكىزدى, بۋرابايدا تۇرمىستىق زورلىق-زومبىلىققا قارسى كۇرەس جونىندەگى زاڭنامانىڭ ورىندالۋ ماسەلەلەرىن تالقىلادى, نازارباەۆ ۋنيۆەرسيتەتىنىڭ مەديتسينا مەكتەبىنىڭ الاڭىندا مىندەتتى الەۋمەتتىك مەديتسينالىق ساقتاندىرۋدىڭ پروبلەمالارىن كوتەردى.

ءماجىلىس سپيكەرى اتاپ وتكەندەي, قوعامدىق پالاتا وتىرىستارىندا جەڭىل تاقىرىپ بولعان جوق. ولاردىڭ قاتارىندا زاڭسىز شىعارىلعان اكتيۆتەردى قايتارۋ تۋرالى زاڭ, جاڭا سالىق كودەكسىنىڭ نورمالارى, ماسس-مەديا تۋرالى زاڭ بار. بۇدان بولەك, قۇرىلىس پەن تسيفرلىق كودەكستەر, جاساندى ينتەللەكت تۋرالى زاڭ, جەرگىلىكتى ءوزىن-ءوزى باسقارۋ, لۋدومانيا, ەسىرتكى قولدانۋ مەن تاراتۋ جانە باسقا ماسەلەلەر كەڭىنەن تالقىلاندى.

Cۋرەت: ج.جۇمابەكوۆ.

ەرلان قوشانوۆ قوعامدىق پالاتانىڭ ءار مۇشەسىنە تاباندىلىعىمەن پرينتسيپتىلىگى, جوعارى بەلسەندىلىگى مەن ۇلكەن جاۋاپكەرشىلىگى ءۇشىن ريزاشىلىعىن ءبىلدىردى. دەپۋتاتتارمەن بىرگە زاڭ شىعارۋ قىزمەتىندە دە ولاردىڭ ەلەۋلى ءارى ماڭىزدى ءىز قالدىرعانىنا ءمان بەردى.

ءماجىلىس توراعاسى بيىل 1 شىلدەدەن باستاپ جاڭا كونستيتۋتسيا كۇشىنە ەنەتىنىن ەسكە سالدى. ونىڭ نورمالارىنا سايكەس, كۇزدە قازاقستان رەسپۋبليكاسىنىڭ ءبىر پالاتالى قۇرىلتايى قۇرىلادى. سپيكەر قوعامدىق پالاتانىڭ مول تاجىريبەسى مەن داستۇرلەرى قۇرىلتاي جۇمىسىندا دا جالعاسىن تاباتىنىنا سەنىم ءبىلدىردى.

قوعامدىق پالاتانىڭ توراعاسى, ءماجىلىس دەپۋتاتى ايدوس سارىم سەگىزىنشى سايلانىم بارىسىندا پالاتانىڭ 30 وتىرىسى, سونىڭ ىشىندە10 كوشپەلى وتىرىس وتكەنىن ايتتى. وسى جيىنداردىڭ قورىتىندىسى بويىنشا ءماجىلىستىڭ سالالىق كوميتەتتەرى مەن ۋاكىلەتتى مەملەكەتتىك ورگاندارعا 500-دەن استام ۇسىنىم جولداندى.

Cۋرەت: ج.جۇمابەكوۆ.

ول قوعامدىق پالاتا مۇشەلەرى پارلامەنتتىك رەفورما جونىندەگى جۇمىس توبىنا, كونستيتۋتسيالىق كوميسسياعا جانە «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ اقپاراتتىق جۇمىسىنا بەلسەندى قاتىسقانىنا توقتالدى.

«قازاقستانداعى پارلامەنتاريزمدى دامىتۋ قورى» قوعامدىق قورىنىڭ پرەزيدەنتى زاۋرەش باتتالوۆا قوعامدىق پالاتانىڭ قۇرىلۋى سوڭعى جىلدارداعى ەڭ ماڭىزدى ينستيتۋتسيونالدىق شەشىمدەردىڭ ءبىرىبولعانىن اتاپ ءوتتى. ونىڭ پىكىرىنشە, سالىستىرمالى تۇردە از ۋاقىت ىشىندە قوعامدىق پالاتا پارلامەنتتىڭ, ازاماتتىق قوعامنىڭ, ساراپشىلار قوعامداستىعىنىڭ, بيزنەس پەن كاسىبي بىرلەستىكتەردىڭ بىرلەسكەن ءىس-ارەكەتىنىڭ ماڭىزدى الاڭىنا اينالدى. بۇل رەتتە زاۋرەش باتتالوۆا ينستيتۋتسيونالدىق جادىنى ساقتاپ, جيناقتالعان ناتيجەلەردى ساراپشىلار قاۋىمىنىڭ كەلەسى قۇرامىنا بەرۋدىڭ ماڭىزدى ەكەنىن ايتتى.

ەۋرازيالىق تۇتىنۋشىلار وداعىنىڭ باسقارما باسشىسى, قوعامدىق پالاتا توراعاسىنىڭ ورىنباسارى سۆەتلانا رومانوۆسكايا جاساندى ينتەللەكت تەحنولوگيالارىن پايدالانىپ كوممەرتسيالىق ەمەس ۇيىمداردىڭ تاجىريبە الماسۋى ءۇشىن بىرىڭعاي الاڭ قۇرۋ تۋرالى ۇسىنىس ءبىلدىردى. ال ساياساتتانۋشى دانيار اشىمباەۆ ءماجىلىس جانىنداعى قوعامدىق پالاتا سياقتى الاڭ پارلامەنتكە عانا ەمەس, ساراپشىلاردىڭ وزدەرىنە دە قاجەت ەكەنىنە توقتالدى. ول سونداي-اق ءماجىلىستىڭ وتكەن سەگىزىنشى سايلانىمى پىكىر الۋاندىعى مەن ەرەكشەلەنەتىنىن اتاپ ءوتتى.

وتىرىس قورىتىندىسى بويىنشا ءماجىلىس توراعاسى قوعامدىق پالاتا مۇشەلەرىنە العىس حاتتار تابىس ەتتى.

 Abai.kz