سايتىمىزعا سايلاۋالدى ۇگىت ماتەريالدارىن ورنالاستىرۋ شارتتارى

«Abai.kz» اقپاراتتىق پورتالىنىڭ (بۇدان ارى – سايت)  مەنشىك يەسى – «اباي اقپارات» قازاق ينتەرنەت كەڭىستىگىن دامىتۋ قورى» قوعامدىق قورى. «Abai.kz» اقپاراتتىق پورتالى 2009 جىلدىڭ 15 ءساۋىر كۇنى قۇرىلعان.

2026 جىلدىڭ 23 تامىزىنا تاعايىندالعان قازاقستان رەسپۋبليكاسى قۇرىلتايى دەپۋتاتتارىنىڭ سايلاۋىندا ساياسي پارتيالاردىڭ سايلاۋ الدىنداعى ۇگىت ماتەريالدارىن ورنالاستىرۋ ءۇشىن ينتەرنەت-الاڭداردى بەرۋ شارتتارى، ءتəرتىبى جəنە اقى مولشەرى تۋرالى حابارلايدى.

سايلاۋ الدىنداعى ۇگىت 2026 جىلعى 23 شىلدەسى ساعات 18:00-دە باستالىپ، 2026 جىلعى 22 تامىزدا ساعات 00:00-دە اياقتالادى. وسىعان بايلانىستى سايلاۋ الدىنداعى ۇگىت ماتەريالدارى سايتتا زاڭنامادا بەلگىلەنگەن مەرزىمدەردە عانا ورنالاستىرىلادى.

سايت ينتەرنەت-الاڭدى ساياسي پارتيانىڭ جازباشا ءوتىنىشى جəنە سايتتىڭ مەنشىك يەسى مەن ساياسي پارتيانىڭ ۋəكىلەتتى وكىلى اراسىندا جاسالعان شارت نەگىزىندە ۇسىنادى. ۇگىت ماتەريالدارىنىڭ كولەمى، ورنالاستىرۋ مەرزىمى، سانى جəنە وزگە دە تالاپتار ساياسي پارتيانىڭ جازباشا وتىنىشىندە كورسەتىلىپ، كەيىننەن شارتتا بەكىتىلەدى.

وسىعان بايلانىستى:

«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭى 28-بابىنىڭ 3-تارماعىنا سايكەس 2026 جىلدىڭ 23 تامىزىندا وتەتىن قازاقستان رەسپۋبليكاسى قۇرىلتايى دەپۋتاتتارىنىڭ سايلاۋىندا ساياسي پارتيالاردىڭ سايلاۋالدى ۇگىت ماتەريالدارىن ورنالاستىرۋ ءۇشىن باسىلىم الاڭدارىن بەرۋ شارتتارى مەن ءتارتىبى جونىندە، تولەم مولشەرى تۋرالى حابارلايمىز.

سايلاۋالدى ۇگىت ماتەريالدارىن ورنالاستىرۋ ءۇشىن ينتەرنەت الاڭدارىن بەرۋدىڭ جالپى شارتتارى مەن ءتارتىبى:

سايتقا جازباشا ءوتىنىش وسى اقپاراتتىق حابارلاما نەگىزىندە دەمالىس جانە مەرەكە كۇندەرىن قوسپاعاندا كۇن سايىنعى ساعات 09-00-دەن 18-00-گە دەيىن قازاقستان رەسپۋبليكاسى، الماتى  قالاسى، ابىلاي حان كوشەسى، 105 ءۇي، 2 قابات، 30 كەڭسەدە قابىلدانادى.

جاريالانىمداردا قارجىلاندىرۋ كوزدەرى، ولاردىڭ تولەنۋى تۋرالى اقپاراتتار بولۋعا ءتيىستى.

باسپالىق ماتەريالداردى ورنالاستىرۋدىڭ كەزەكتىلىگى جازباشا وتىنشىتەردىڭ كەلىپ ءتۇسۋ رەتتىلىگىنە بايلانىستى سايتتىڭ مەنشىك يەسىمەن بەلگىلەنەدى.

ۇگىتتىك باسپا ماتەريالدارىن بەرۋدىڭ ءتارتىبى:

سايتقا ۇگىتتىك باسپا ماتەريالدارى ماقالا جارىق كورەتىن داتاعا 1 ء(بىر) كۇنتىزبەلىك كۇن قالعانعا دەيىن مودۋلدەر نەمەسە ماقالالار تۇرىندە تاپسىرىلۋعا ءتيىستى.

سايتقا بەرىلگەن ماتەريالداردا كونستيتۋتسيالىق قۇرىلىستى كۇشتەپ وزگەرتۋگە، رەسپۋبليكانىڭ تۇتاستىعىن بۇزۋعا، مەملەكەتتىڭ قاۋىپسىزدىگىن بۇلدىرۋگە، الەۋمەتتىك، ناسىلدىك، ۇلتتىق، ءدىني، تاپتىق جانە رۋلىق الاۋىزدىق تۋدىرۋعا، سونداي-اق زاڭمەن قاراستىرىلماعان جانە زاڭمەن قاراستىرىلعان تاعى باسقا دا نەگىزدەردە اسكەريلەندەرىلگەن قۇرىلىمدار قۇرۋ يدەيالارى كورىنىس بەرگەن جاعدايدا ۇگىتتىك ينتەرنەت ماتەريالدارىن ورنالاستىرۋدان باس تارتۋعا قۇقىلى.

سايت ساياسي پارتيالاردىڭ ابىرويى مەن قادىر-قاسيەتىنە نەمەسە ىسكەرلىك بەدەلىنە نۇسقان كەلتىرەتىن اقپاراتتار بولعان جاعدايدا ۇگىتتىك ينتەرنەت ماتەريالدارىن ورنالاستىرۋدان باس تارتۋعا قۇقىلى.

وسى اقپاراتتىق حابارلامادا كورسەتىلگەن ينتەرنەت الاڭدارىن بەرۋدىڭ شارتتارى مەن ءتارتىبى ۋاكىلەتتى ورگانداردىڭ تالابىنا ساي تۇزەتىلۋى مۇمكىن.

سايت الاڭدارىن تولەۋدىڭ ءتارتىبى مەن مولشەرى:

Abai.kz