بۇگىن ورتالىق سايلاۋ كوميسسياسى «ادىلەت» پارتياسىنىڭ قۇرىلتاي دەپۋتاتتارىنىڭ سايلاۋىنا ارنالعان پارتيالىق ءتىزىمىن تىركەۋدى اياقتادى. وسىلايشا، ساياسي ۇيىم سايلاۋالدى ناۋقاننىڭ كەلەسى كەزەڭىنە ءوتتى.

تىزىمگە ەنگەن 186 كانديدات ءتۇرلى كاسىبي ورتادان شىققان. ولاردىڭ اراسىندا زاڭگەرلەر، كاسىپكەرلەر، عالىمدار، سونداي-اق الەۋمەتتىك، وندىرىستىك جانە تسيفرلىق سالالاردىڭ ماماندارى بار.

سۋرەت: adilet-partiyasy.kz سايتىنان الىندى.

كانديداتتاردىڭ ورتاشا جاسى 45-ءتى قۇرايدى. پارتيانىڭ سايلاۋعا ارنالعان باعدارلاماسى تسيفرلاندىرۋدى دامىتۋ، كاسىپكەرلىكتى قولداۋ، مەملەكەتتىك باسقارۋ تيىمدىلىگىن ارتتىرۋ جانە ازاماتتاردىڭ ءومىر ساپاسىن جاقسارتۋعا باعىتتالعان.

ايتا كەتەيىك، «ادىلەت» پارتياسى 2026 جىلدىڭ 1 ماۋسىمىندا رەسمي تىركەلىپ، الداعى قۇرىلتاي سايلاۋىنا قاتىسۋعا دايىن ەكەنىن مالىمدەگەن ەدى. 10 شىلدەدە وتكەن پارتيانىڭ كەزەكتەن تىس III سەزىندە 186 كانديداتتان تۇراتىن پارتيالىق  ءتىزىمدى جاريالاپ، سايلاۋالدى باعدارلاماسىن تانىستىردى. «ادىلەت» پارتياسى پارلامەنت سايلاۋىنا العاش رەت قاتىسقالى وتىر. قۇرىلتاي دەپۋتاتتارىنىڭ سايلاۋى بيىل 23 تامىزدا وتەدى.

تولىعىراق: ادىلەت پارتياسى 

Abai.kz