قازاقستانداعى جەكەشەلەندىرۋ ناۋقانىنا بايلانىستى "اۆياتسيالىق وقىتۋ ورتالىعى" جشس 256 ملن تەڭگەگە ساتىلادى، - دەپ حابارلايدى Tengrinews.ءkz تىلشىسى Gosreestr.kz پورتالىنا سىلتەمە جاساپ. "اۆياتسيالىق وقىتۋ ورتالىعى" جشس ساتۋعا قاتىستى كوممەرتسيالىق تەندەردى وتكىزۋ 29 تامىزعا جوسپارلانىپ وتىر.

كاسىپورىننىڭ جاڭا يەسى بەس جىلعا دەيىن نەگىزگى پروفيلدىك قىزمەتتى ساقتاۋى ءتيىس. ساۋدا مەملەكەتتىك رەەستر پورتالىندا وتپەكشى. بۇل جەردە جوعارى باعا ۇسىنعان قاتىسۋشى جەڭىسكە جەتەدى. بۇدان ءسال ەرتەرەكتە حابارلانعانداي، جشس 2012 جىلدىڭ قارجىلىق قورىتىندىسى بويىنشا كىرىس رەتىندە 75,6 ملن تەڭگە تاپقان بولۋى ءتيىس.

سونداي-اق، اۋكتسيون ءادىسى بويىنشا "قازاق تۋريزم جانە سپورت اكادەمياسى" اق 20%-ى جەكەشەلەندىرىلەدى. اكتسيانى ساتۋ ساعات 29 تامىز كۇنى 10:00-دە باستالادى. جوسپار بويىنشا 43 575 اكتسيا ساتۋ كوزدەلگەن. باستاپقى مەجە 222,6 ملن. تەڭگەگە باعالانىپ وتىر. ءبىر مەزەتتە "بي-لوگيستيكس" اق كاسىپورنىڭ اۋكتسيون اياسىندا ساتۋ قاراستىرىلعان. ونىڭ باعاسى 752,4 ملن. تەڭگە. جوسپارعا سايكەس، 100%-ى ياعني، 1 536 001 اكتسياسى تولىعىمەن ساتىلادى.

ەستەرىڭىزدە بولسا، جاقىندا مەملەكەت باسشىسى نۇرسۇلتان نازارباەۆ قازاقستانداعى جەكەشەلەندىرۋدى وتكىزۋ كەزىندە جوعارى لاۋازىمدى تۇلعالاردىڭ تۋىستارىنىڭ قاتىسپاۋىن تالاپ ەتكەن-ءدى. قارجى ءمينيسترى باقىت سۇلتانوۆ ءوز كەزەگىندە، جەكەشەلەندىرۋ قورىتىندىسى بويىنشا، 2014-2015 جىلدارى ەل ەكونوميكاسىنا ەكى تريلليون تارتۋ جوسپارلانىپ وتىرعانىن جەتكىزدى. "بيۋدجەت 100 ملرد تەڭگەگە تولىقتىرىلۋى مۇمكىن", - دەدى ول. ونىڭ سوزىنشە، ەلىمىزدە جەكەشەلەندىرۋ 853 نىسانعا جۇرگىزىلەدى. ال جىل سوڭىنا دەيىن ولاردىڭ 295-ءى ساتىلماق.

جەكەشەلەندىرۋ تۋرالى ءسوز شىعا قالعان تۇستا وعان ءبىر قاتار مەملەكەتتىك نىسانداردىڭ دا، اتاپ ايتساق “رەسپۋبليكا سارايى”، “قازاقفيلم”، “قازاق ەنتسيكلوپەدياسى” سياقتى ورىنداردىڭ دا جەكەشەلەندىرۋگە قاتىساتىنى ايتىلعان. بۇعان ءبىر توپ دەپۋتاتتار قارسى بولعان بولاتىن. تاۋەلسىزدىك جاڭا العان تۇستا كوپتەگەن مەملەكەتتىك مەكەمەلەر ارزان باعامەن جەكەشەلەنىپ كەتتى. سونىڭ زاردابىن مەملەكەت ءالى تارتىپ كەلەدى.

اباي-اقپارات