ەۆرونيۋس ەكىنشى دۇنيەجۇزىلىك سوعىس كەزىندە ناتسيستىك گەرمانياعا قارسى وداقتاس ەلدەردىڭ ەۋروپادا اسكەري وپەراتسياسى باستالعانىنا 70 جىل تولۋىنا بايلانىستى نورمانديا ايماعىنداعى ەسكە الۋ شارالارىن كورسەتىپ جاتىر.

سول بەينەسيۋجەتتەردە ادامي ءارى ساياسي تۇرعىدان ءبىر باقىلاعانىمدى ايتايىن.

مىقتىلاردىڭ ىشىندە مەركەل ءجۇر. رەسمي تۇردە سول سوعىستى باستاپ، عاسىر تراگەدياسىن ۇيىمداستىرعان گيتلەردى بيلىككە جىبەرگەن گەرمانيا سەكىلدى ەلدىڭ بۇگىنگى باسشىسى.

مىنە، اسا تولعانىستى تاريحي ساباقتاستىق پەن جاۋاپكەرشىلىك. 
مىنە، اسا تاعىلىمدى ءسات.

گەرمانيا كەزىندە فاشيزم مەن گيتلەردى رەسمي تۇردە ايىپتاپ، "ەل بولەك، جاۋىز بولەك" دەپ، الەم جۇرتشىلىعى الدىندا ءوز بەتىن اشىپ الدى. سوندىقتان مەركەلدىڭ ءوز ارىپتەستەرىنىڭ الدىندا ارى تازا، مەرەيى ۇستەم.

ال سوۆەت وداعىنداعى ستالين جاۋىزدىقتارى شە؟ ءيا، ءباسپاسوز بەن باياندامالاردا ونى سىنادىق. بىراق مەملەكەتتىك تۇرعىدا رەسمي ايىپتاۋ، ونىڭ مۇراسىنان باس تارتۋ بولمادى.

ونىڭ ۇستىنە، قازىرگى رەسەيدە ونىڭ كۋلتى قايتا جاندانىپ كەلە جاتقانى اپ-انىق بايقالادى. وسى ەلمەن ءبىر وداققا كىرىپ جاتىرمىز...

نورماندياداعى بۇگىنگى ەسكە الۋ شارالارى مەن الەم الپاۋىتتارىنىڭ كەزدەسۋلەرىن كورىپ وتىرىپ، نەگە ەكەنىن بىلمەيمىن، وسى جايت تۋرالى ويلاپ وتىرمىن...

ءامىرجان قوسانوۆ

www.facebook.com