ەرتەدە ءبىر قىز ءوزىن ءوزى سەلپيتىپ-سەلپيتىپ سۋرەتكە تۇسىرە بەرۋدى جاقسى كورىپتى. كۇندەردىڭ كۇنىندە الگى قىز ءوزىنىڭ كەۋدەسىن كەرگەن، بوكسەسىن قايقايتىپ بەرگەن سۋرەتىن عالامتورعا سالىپتى دا جىبەرىپتى.
سودان، "سۋپەرسىڭ", "نيشتياك", "وفيگەننو" دەگەن سياقتى نەشەتۇرلى كومەنتتەردى وقىپ، تازا شاتتانىپ، سۋرەتكە كەرىلىپ تە، ەرىگىپ تە تۇسە بەرىپتى. تۇسكەن سۋرەتتەرىن ەرىنبەي جەلىگە جۇكتەي بەرىپتى، جۇكتەي بەرىپتى. ءبىر كۇنى قالاي دا سۋپەرلەنەمىن دەپ جەلىگە ءوزىنىڭ جۇقا ءتانىن كولەگەيلەگەن مەن كورسەتىپ تۇراتىن جەڭىل كيىممەن تۇسكەن سۋرەتىن دە سالىپ جىبەرىپتى. كۇندەگى كۇندەگى ما، "سۋپەردىڭ سۋپەرىسىڭ", "سۇمدىقسىڭ", " اح-ۋح" دەگەن كومەنتتەردىڭ استىندا قالىپتى. ءوزىن ودان سايىن كەرەمەت سەزىنگەن قىز قالايدا وزىنە ءتانتى ەلدى كوبەيتسەم دەپ قيالداپ جاتىپ، توستارتقىشىن شەشىپ، ءتوسىن اشىپ تۇرعان بەينەسىن "شىرت" ەتكىزىپ ءتۇسىرىپ، جەلىگە جىبەرە سالىپتى.
ەرتەسىنە ءوزىنىڭ سۋرەتىنىڭ استىندا "قازاقتا كوتىبار دەگەن باتىر بولعانمەن كوتىاشىق دەگەن قىز بولماعان، اقىلىڭ بولسا ارىڭدى ساقتا" دەگەن جازبانى وقىپ، ۇيالىپ قالىپتى. سودان سۋرەتتەرىن جويىپ، سۋرەتكە ءتۇسۋدى قويىپ، جەلىدەگى ءومىرىن كۇزەپ، ساجدەگە ماڭداي تيگىزىپ ءومىرىن تۇزەپ، ءومىردى ۇعىپ، كۇيەۋگە شىعىپ، باقىتىنا جەتىپتى.

(جازبا اۆتوردىڭ facebookتەگى پاراقشاسىنان الىندى)