ەلباسى نۇرسۇلتان نازارباەۆ گەرمانيانىڭ فەدەرالدىق سىرتقى ىستەر ءمينيسترى فرانك-ۆالتەر شتاينمايەرمەن كەزدەستى. بۇل تۋرالى اقوردانىڭ ءباسپاسوز قىزمەتىنەن حابارلادى.

بۇل كەزدەسۋ ف.-ۆ. شتاينمايەردىڭ بىلتىر قاراشادا قازاقستانعا جاساعان رەسمي ساپارى اياسىندا بولعان اڭگىمەنىڭ جالعاسى رەتىندە ءوتتى.

كەلىسسوزدەر بارىسىندا ەكىجاقتى قارىم-قاتىناستىڭ باسىم تۇستارى مەن ۋكراينانىڭ شىعىسىنداعى احۋالدى رەتتەۋ شارالارى تالقىلاندى. ۋكراينا مەن رەسەي پرەزيدەنتتەرىنىڭ تاياۋدا گفر كانتسلەرى ا.مەركەل جانە فرانتسيا پرەزيدەنتى ف.وللاندتىڭ قاتىسۋىمەن ءوتۋى ىقتيمال ەكىجاقتى كەزدەسۋىنىڭ بىرقاتار العىشارتتارى جونىندە بايىپتى پىكىر الماسىلدى.

تاراپتار سونداي-اق ساۋدا-ەكونوميكالىق ىنتىماقتاستىقتاعى بولاشاعى بار جوبالار مەن ەكى ەلدىڭ مادەني-گۋمانيتارلىق سالاداعى ءوزارا ءىس-قيمىلى تۋرالى دا ءسوز قوزعادى. گەرمانيا فەدەرالدىق سىرتقى ىستەر ءمينيسترى ەكىجاقتى ەكونوميكالىق قاتىناستار وڭ قارقىندا دامىپ كەلە جاتقانىنا توقتالا وتىرىپ، قازاقستاننىڭ ورتالىق ازياداعى «تۇراقتىلىق تۇتقاسى» بولىپ سانالاتىنىن اتاپ ايتتى. 

اباي-اقپارات.

دەرەككوز: http://www.inform.kz/kaz/article/2735361