كەشە عانا فرانتسيادا 12 ادام كىسى قولىنان قازا بولدى. جازىسىز جانداردىڭ قازالارىنا كوڭىل ايتا وتىرىپ، كوپتەن ويىمدا جۇرگەن ءبىر پىكىردى اشىق ايتقىم كەلەدى. ادامزات تاعى دا تىكسىنىپ قالدى، ال باتىس قوعامى وسى ءبىر قاندى قىلمىستى  «بۇل - ءسوز بوستاندىعىنا دەگەن قاستاندىق» دەپ قابىلدادى.

ءوز باسىم سوڭعى ۋاقىتتا ءسوز باستاندىعى دەگەندى تۇسىنبەي بارامىن... باسقا ادامداردىڭ ارىنا تيەتىن سوزدەردى ايتىپ، ولاردىڭ قۇلشىلىق قىلاتىن قۇدايلارىن مازاقتاپ، سول قاتەلىكتەرى ءۇشىن كىسى قولىنان اجال قۇشىپ جاتقان جانداردى قورعاي وتىرىپ، باسقالاردى ولارعا قول جۇمساۋعا ءماجبۇر ەتەتىن سياقتى. مەنىڭشە، بۇل – وزدەرىنىڭ قۇدايلارىنا كوزسىز بەرىلگەن جانداردىڭ اشۋ-ىزاسىنا تيەتىن ارانداتۋدىڭ ءبىر جولى. قاسيەتتى قۇراندى وتقا جاعۋدىڭ دا، اللانى مازاققا اينالدىرۋدىڭ دا نە دەموكراتياعا، نە ءسوز بوستاندىعىنا ەشقانداي قاتىسى جوق.

قازاقتا «ىرىگەن اۋىزدان شىرىگەن ءسوز شىعادى»، «ابايلاماي سويلەگەن – اۋىرماي ولەدى» دەگەن قاناتتى سوزدەر بار. ءسوز بوستاندىعى – ويىڭا كەلگەن پىكىردى ايتۋ، جاريالاۋ عانا ەمەس، ونى مادەنيەتتى تۇردە، باسقالاردىڭ اشۋ-ىزاسىنا تيگىزبەي جەتكىزە ءبىلۋ.

اباي.kz