رەسەي لدپر پارتياسىنىڭ ليدەرى، مەملەكەتتىك دۋمانىڭ ۆيتسە-سپيكەرى ۆلاديمير جيرينوۆسكي" جارتى الەمدى تىزەرلەتىپ", ەلدىڭ اتىن "رەسەي يمپەرياسى" دەپ اتاۋدى ۇسىندى. 

دەپۋتات مۇنى "رۋسسكايا سلۋجبا نوۆوستەي" راديوستانساسىنىڭ ەفيرىنەن رەسەيگە قارسى سانكتسيالاردىڭ كۇشەيتىلىپ جاتقانىنا بايلانىسى اڭگىمە قوزعالعاندا ايتقان.

"بارلىق ەكونوميكالىق قارىم-قاتىناستى توقتاتۋ كەرەك. سانكتسيا شەڭبەرىنە كىرگەن بارلىق ەلدەرمەن بارلىق ەكونوميكالىق، ساۋدا، تۋريستىك قارىم-قاتىناستاردى توقتاتىپ، سولاردىڭ ءبارىن – جارتى الەمدى تىزەرلەتىپ قويۋ كەرەك، ءبىز سوعىس جاعىنان بارىنەن كۇشتى ەلمىز، بىزدەن ءبارى قورقادى. تەك قانا امەريكا، قالعاندارى سوعىسۋدى بىلمەيدى. نەمىستەر مەن فرانتسۋزداردى ءبىز قاتتى باسىپ تاستاعانبىز، ولار مۇلدەم ەشقاشان سوعىسپايتىن بولادى", – دەپتى جيرينوۆسكي.

سونداي-اق، جيرينوۆسكي الەمدە اعىلشىن ءتىلى جويىلىپ، ورىس پەن نەمىس ءتىلى عانا ۇستەمدىك ەتەتىنىن، ىستامبۇلدى جاۋلاپ، تۇرىكتەرگە "ماسساج جاساتىپ" قوياتىنىن دا ايتتى.

ەپيتاجدى ساياساتكەردىڭ ايتۋىنشا، باتىسپەن قارىم-قاتىناستىڭ شەگىنە جەتىپ تۇرعان قازىرگى جاعدايىندا اسا قۋاتتى رەپرەسسيالى اپپارات، ۇلتتىق قاۋىپسىزدىك كوميتەتىن جاساپ الىپ، قاتاڭ شارالار قولدانۋ قاجەت، اقىر سوڭىندا رەسەيدىڭ اتىن وزگەرتۋ كەرەك.

Abai.kz