رەسەي فەدەراتسياسىنىڭ كابۋلداعى ەلشىلىگى جانىندا ءبىر مەزەتتە بىرنەشە جارىلىس بولدى. جارىلعىش زاتتاردى تەرروريستەر ورناتتى دەگەن اقپارات بار. قازىر عيمارات قورشاۋعا الىنعان، - دەپ حابارلايدى ۇلت پورتالى.

بۇعان دەيىن Reuters اقپاراتتىق اگەنتتىگى ساۋد ارابياسىنىڭ ءدىن وكىلەتتىلىگىنىڭ 53 مۇشەسى رەسەيگە، يرانعا جانە سيريا ۇكىمەتىنە قارسى «جيھاد» ۇيىمداستىرۋ ماسەلەسىن ونلاين-رەجيمدە شەشكەن بولاتىن.

سوڭعى كەزدە تاجىكستاننىڭ قورعانتوبەسىدە ورىن تەپكەن رەسەيلىك 201-ءشى اسكەري بازانىڭ اينالاسىنداعى جاعدايلار شيەلەنىسە تۇسكەن. اۋعانستاننىڭ سولتۇستىگىندە تاليبتەردىڭ قاراسى كوبەيىپ كەلە جاتىر.  وسىدان تۋرا ءبىر اپتا بۇرىن رەسەي اسكەرى سيرياداعى يگيش بازالارىن جانىشتاعانعا دەيىن تاليبتەر كۋندۋز قالاسىن باسىپ العان بولاتىن.

بەلگىلى بولعانداي، تاليبان جاۋىنگەرلەرىنىڭ كوپشىلىك بولىگى بۇرىنعىداي اۋعاندىقتار (ەتنيكالىق پۋشتۋندار) ەمەس. ولار ورتا ازيانىڭ جەرگىلىكتى ءدىني-توپتارىن قۇراتىن لاڭكەستەر: وزبەكستان يسلام قوزعالىسى، يسلام جيھاد وداعى جانە انسارۋللا جاماعاتى. اراسىندا شەشەندەر، داعىستاندىقتار، ۇيعىرلار، سونىمەن قاتار، ال-كايدانىڭ مۇشەلەرى، يگيش پەن پاكىستاننىڭ سودىرلارى بار. بۇل تاليباننىڭ ەندى جەرگىلىكتى ەتنو-توپتاردان قۇرالعان قوزعالىس ەمەس ەكەندىگىن انىق كورسەتەدى.

رەسەي ءسىم حابارلاۋىنشا، اۋعانستاننىڭ سولتۇستىك-شىعىسىندا تاليبتەر مەن يسلام مەملەكەتتەرى قوسىلىپ، قاۋىپ توندىرەتىن ءبىر ۇلكەن كۇشكە اينالعالى وتىر.

اباي-اقپارات